الذنب الاربعون
رواية...ذنب عينيك سلالة العنفوان
بقلمي...نور سمو العراق
💔💔💔💔💔💔💔💔💔
وئام...
استغربت من جدي هيج حجه شنو الي شافو بمحفظة ذياب وهل شئ اثار حفيضتو وسكت لثواني
لف عباتو بحده وضرب عصاتو علئ الارض كال...فريال خابري علئ ذياب بشغلو خلي يجيني بسرعه
فريال انخطف لونها بسرعه وبعدها دحكت لاختها ...ليش جدو صاير شئ شبيها محفظة ذياب
رد عليه بعنف...اسكتي ولا تتدخلين خابري بسرعه
راحت بسرعه خابرتو وجدي يروح يسرة ويمنئ و وجهو متعصب وعيونو تنطق بغضب وشرايين ايدو برزت
كل شويه وكال...هيين يذياب تلعب من وراي وانه اكول ذيبي سبع ما يكسر كلمتي...
ضلينه منتظرين ذياب تقريبا نص ساعه واجه متفاجئ ومذهول اول ما دخل دحكلي متفاجئ...خير جدي شرايد مني ؟
رفعت اكتافي،بعد معرفه وهو دخل دخلت وراه الشامخ كال...وئام اطلعي خلينا الوحدي ويه حفيدي الذيب الصبور...حجاها باستهزاء
بلعت ريكي متوترة وخليت وطلعت بس جان عندي هاجس ان اراقبهم وادحك شنو الي صار واذا ما شفت اطك واموت ...
دحكت من الشباك وجانت البرده شويه مفتوحه مو چثير والشباك جان مفتوح
شفت ذياب واكف بكل احترام جدام جدي وجدي عيونو ناطه من غضبو وعاقد حواجبو بقوه ...
طلع المحفظه من جيبو وضربها بصدر ذيب عدة مرات كالو...نسيت محفتك يا حفيدي الموقر
دحك باستغراب...واذا نسيت محفظتي شنو اول مره واحد ينسئ محفظتو علئ شنو مستغربت
ضحك جدي...من ايمت انت تخلي محفظتك تحاليل حمل ورسايل تخص ناس متهمه للنظام بالتسقيط
فتح عيونو مصدوم من كلام جدي بلع ريكه بتوتر...اشياء اعتقد خاصه واني رجال نقيب والي شغلي وچثير تمر عليه شغلات وانه بسجن النساء
حط بوجهو تحليل الحمل يعني جاي تقنعني انت بريئ،من هذا كلو وهل بت ما حامل منك بالحرام
ذياب نكث اديه بغضب...يااا حرام انه اذا اسوي الحرام اخاف من واحد بس انه مخلي ربي بين عيوني ومستحيل اسوي شئ بالحرام بالحلال اي بس بالحرام لا...
الشامخ...هذا التحليل شجابو بمحفظتك هو والرساله ؟ اسمها قربى والحمل جديد مبين من التاريخ ما صار جم يوم ؟
بلل شفايفو بحيرة ورد عليه بتوتر...هذي سجينه عندي تخربطت بالسجن ونقلناها علئ المستشفئ وطلعت حامل وبعدها الدكتور انطاني التحليل وانه خليتو بمحفظتي ونسيتو يعني انت تعرف انه نقيب بسجن النساء ماكو داعي لاتهامك اليه
YOU ARE READING
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
