الذنب الثاني والعشرون
رواية...ذنب عينيك...سلالة العنفوان
بقلمي...نور سمو العراق
💔💔💔💔💔💔💔💔💔
...........................
الشخص الخبيث يضل طول عمره خبيث بحيث يلقي الكلمات ويتلفظ بألفاظ قذرة في سبيل يأجج للموقف ويعصب المقابل حتئ شنو ينزل المستواه
وهو الي صار ويه وفاء خبيثه غلطت علية ونعتني بالعاهره هي شنو تعرف عني حتئ تتهمني بالعهر
زين تمام اني عاهره ومن ورايه انتحرت حفصه زين اخوج الحيوان شنو شريف ؟
اكره الانسان المستفز والمخادع الي يسوي المصيبه ويخليها براس غيره
هي بنفسها ام ذياب كالت وفاء تحرض بحفصه وكل شويه عايده نفس الموضوع عليها والله اعلم شنو سوتلها او شنو كالت الها تا تخليها تنتحر...
ركضنه علئ حفصه مهما يكون تضل بنيه شابه وماشيه وره عواطفها...
لكيناها واكعه علئ وجهها رفعتها خالتي ام ذياب وتشوفها كوة تتنفس ويطلع مثل الوغف ابيض من حاكها وخشمها ينزف دم...
صرخت خالتي ام ذياب وهي تلطم علئ صدرها...يمه حفصه حفصه راحت من اديه يمه بنيتي يمه سوده عليه حفصه ردي عليه حفصه يمه
اجه حذيفه يركض هو والشامخ كالو...شبيها شبيها حفصه ؟
ردت عليهم وفاء بنهيار...حفصه انتحرت انتحرت بسبب هاي الكلبه كله من وراها البنيه راح تموت اخيتي راح تموت
الشامخ دفع حفصه لزكها بالباب وركض هو وحذيفه لحفصه يحاولون يصحونها ماكو
شالوها وطلعو بيها وخالتي ام ذياب جبتلها عبايتها وراحت تركض وتصرخ وراهم...
ضلينه بس اني و وفاء بالبيت اني افتر بالحوش وافرك باديه وادعي الله يسترنه وعلاوي كاعد يلعب بالعابه
و وفاء تدردم الوحدها وراحت خابرت اهل بغداد تحشم كالتهم حفصه انتحرت
انوب اجوي جوارينهم كالو...شكو شصاير عندكم
كلتلهم..حفصه تخربطت فجأة واخذوها للمستشفئ
ردت عليهم...لا انتحرت كله بسببها حشت براس ذياب وخلته يطلك حفصه من اخويه
تافئفت بضيق من كلامها كلتلها...انتي شبيج خبله ترا الجاي تسوي غلط مو صح ليش هيج تشهرين بالبنيه شنو انتحرت
رجعت باوعت للنسوان كلتلهن...لا خاله جذب لا انتحرت ولا شئ مجرد هبط ضغطها وانتن تعرفن خاله ام ذياب كلب والده اكيد تضل تصرخ وان شاء اللة ما بيها شئ
باوعلن عليه بشك كالن ...الله يشافيها
خلن وطلعن واني درت وجهي علئ وفاء بغضب...انتي ما تستحين ما تخجلين مو عيب عليج تشهرين بالبنيه انتحرت ما انتحرت انتي تردين تسوين فتنه شدكول عليها الناس عليش انتحرت ترا عيب عليج هاي اسرار بيت ...
BINABASA MO ANG
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
