الذنب الثامن ج2
رواية...ذنب عينيك...سلالة العنفوان
بقلمي...نور سمو العراق
💔💔💔💔💔💔💔💔💔💔
"الأمر المحزن هو أنه لا أحد يعرف حقًا كم يعاني الآخرون.. يمكننا أن نكون واقفين بجانب شخص محطَّم تمامًا، ولا نعرف حتى ما به".
...................................
ما كافي الحزن القديم حتئ اتوشح بحزن جديد
والله بعده حزن الماضي يلتهم روحي من دون رحمه
لحد الان ما نسيت وفاة امي من شفتها ممدوده بطولها الحلو وفاقده الحياة ومسلمه الروح الباريها
لحد الان اتذكر وتصيبني حالة من الهيستريه من اتذكر اخويه تميم وابويه شلون يعذبوهم وصوت الصرخه الي تدوي بجسمي ولهاي الساعه عايشه معاناتها...
ولا اكدر انسئ ايام السجن والعذاب الي شفته هناك وصلت لحاله من الجنون صرت احجي ويه الحياطين واضحك ويه الحشرات...
وحتئ من طلعت ما شفت طعم الراحه ولا شفت يوم حلو اتهموني بشرفي اقرب الناس الي وطردوني وجانو خايفيين مني
اني هذا كله لحد الان ما طايبه منه حالتي النفسيه تازمت وبلومني اذا وكعت دمعتي يكولون بومه تبجي هوايه
ما يعرفون مستحييل الدمعه تجف بعيني اني مفاركه الجنه امي اعز ناسي سندي بالحياة مفاركه اهلي ورفعة راسي وحيده ضايعه شلون تجف الدموع بعيني؟
هذا احساسي ما اعرف اخواني وين ابويه بأي ارض لحد الان يعذبو لو لا
امي دفنتها عند رب كريم يرحم بحالها ارحم الراحمين ارحم من كل البشر
بس ابويه واخويه ما ادري وينهم عند يا مجرمين شنو سوو بيهم راسي ينفجر من كد ما افكر بيهم
كل هذا وهم اهل ذياب عذبني اكثر مستحيل يتقبلوني نظرتهم اليه نظرة دونية
متزوجه بالسر ! شارده من اهلها ! بس الادبسز تسوي هاي السالفه وين اهلها عنها ؟
تساؤلات واتهامات لحد الان محد منه مجاوب عليهن
ولو شلون نجاوب ذياب صاير مثل البالع الموس اذا يفصح عن السر راح يتاذه واذا سكت راح يتاذه وحيرة بس اللّه يعلم بيها
الام جنه والام مقدسه الام مستحيل تنوصف اذا رضت علينه احنه اسعد ناس بالدنيا رضا اللّه من رضا الوالدين
بس ام ذياب اليوم ما راضيه عن ابنها ...وحقها محد يلومها امه تريد تفرح بيه يحجيلها عن اسراره عن تكوينه العائلته
امه تحس نفسها مضلومه وذياب ضلمها شلون ضم عليها هيج حدث مهم بحياته بس واللّه هو مو قصده الظروف عاندته وجانت ضده للاسف...
أنت تقرأ
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
