#سلالة العنفوان...ذنب عينيك

الذنب 24

الذنب 24
رواية...ذنب عينيك...سلالة العنفوان
بقلمي..نور سمو العراق 🇮🇶
💔💔💔💔💔💔💔💔💔

مؤلم أن تكون وقت فراغ أحدهم، وقت حاجته أو ملله، مؤلم أن تكون فرصة أخرى للتجربة فقط، لكنني "لن أنسى أنني هنت إلى هذا الحد.

...,,.,,...........

كسرة بداخل روحي وانهيار تام بنفسيتي ما تقبلت الكلام الي حجتو عمتي...

سالفه صار الها سنين ما انفتحت الها هساع !!

عليش ما فتحت الموضوع علياء قبل لا يتزوجني عليش من استقرينه وصار عندي طفله منو اجت تشكي حال مرتو القديمه...

تركت روحي مذبوحه بموقفهم وصعدت الغرفتي من دون روح رجفه بكل جسمي سديت الباب وضليت متوترة افرك باديه

فزيت علئ صوت محمد وهو يزكح بيه...انه مو احجي،وياج عليش ما دكولين هاااا اشنو ما تسمعين

انتبهت عليه بشرود...هااا شكو

جر نفس..دا اكلج هاي طيبه تعض باصبعها جوعانه

رديت عليه...هااا اي هساع ارضعها..اخذتها وكعدت ارضع بيها واني صافنه ومركزه بفراغ ...

معقوله عمر يحلف مرتو ويحلف واحد زاني تا يرتاح ضميرو؟

وبعدها يرجعها علئ ذمتو واني اعيش ويه ضره ؟ لا والف لااااا مستحيل والله ما ارضئ بهل كلام ابد انه تزوجتو علئ،اساس،هو مطلق مو عندو مره...

محمد كال...فلفلتي انه رايح العب جوه محتاجه شئ

ابتسمت عليه شكد عاقل ورزن كتلو...لا حبيبي روح بس دير بالك لا تكع انزل الدرج علئ كيف

نزل وشويه ودخل عمر تجاهلتو كعد علئ السرير وبعدها تمدد وحط ايدو تحت راسو وهو شارد بذهنو

كملت رضاعتها وخليتها بسريرها بعدني مدنجه وهو صاح عليه ببرود...انطيني جكايري

عضيت على شفايفي اكتم غضبي ومشيت خطواتي للميز اخذت الجكاير وانطيتهم الو ببرود مثل بروده

دا امشي سحب ايدي كال...شبيج ؟

ضحكت باستهزاء...ما بيه شئ ههه

عقد حواجبو باستغراب...لا والله صدك شبيج ؟

سحبت ايدي منو وزكحت بوجههو...كتلك ما بيه شئ ؟

مشيت خطوات وهو ركض عليه سحبني ودارني من اكتافي بقمة غضبووو...ولج وئام شبيج تصيحين افلش وجهج هسه

صرخت بيه ...ايييي فلش مو تايه الك انه فصليه مالة اهلك طلكني عمرررر طلكني بسرعه

انتفض ضدي وكضبني من اكتافي بعصبية...شبييج وئام تخبلتي

زكحت بوجهو مره ثانيه...اي ايييي تخبلت انجنييت انه بعد ما اتحمل اعيش وياك وانت عصبي وانه ما اتحمل الكلمة ما اتحملها منك اكرررهك