الذنب 42
رواية...ذنب عينيك...سلالة العنفوان
بقلمي...نور سمو العراق
💔💔💔💔💔💔💔💔
ا
الأصيّلة شما دكها الوكت مَتخون راعيها
.........................
فلفله...
صدك الي،استحو ماتو شلون دفعتني عبالك اشتغل عند الخلفوها واذا بنتها جانت زوجة عمر شنو احتكار هو خو ما احتكار
صحت عليها...يووول وين وين انتي ما تستحين شلون تدخلين هيج علئ البيت ما دكولين واحد نازع ملابسو واحد حاضن مرتو شنو البيت ما الو حرمتو
مشت خطوات سريعه وبعدها دارت وجهه عليه كالت...اعتقد هذا بيت بنتي مو بيتج وما الج حق تطرديني منه
انصدمت...ول ول ول اني طردتج!! ايمت اني بس دا اعلمج شلون تدخلين لبيت ناس غرب
تخصرت...مو بيت غرب بيت بنتي وبعدين انتي شنو هل حشره هاي « تحجي وتاشر عليه بطرف اصبعها »
جاوبتها بعصبية...والله ما حشرة غيرج انتي وبنتج تتطفلن علئ العالم شتردين جايه عمر وطلك بنتج بعد شكو
صاحت بصوت عالي...وينه عمر ويييينه جايبله وحده سز مخليها بيته وعلئ بنيتي المسكينه صاير شريف
رفعت اصبعي بتهديد...احترمي نفسج احسن الج اني بنت خاله اشرفج انتي وبنتج وعشيرتج
ضلت تحرك باصابعها....يمه اللسان يمه لسانها شطولة اطول منها من يا ملهئ جابج عمر
طلع الها عمر والخاولي علئ اكتافو من دحك عليها انصدم رفع حاجب تلقائيا كلها بذهول....ام سهام
لگحت عبايتها وره ظهرها وتخصرت...اييي ام سهام ما عرفتني مو ام سهام العذبتها وجرمت بحقها وبكت ذهبها الله ينتقم منك الله يطلع حوبة ذيج المسكينه بيك
اشر الها من دون كثرة كلام...امشي اطلعي برا انعل لابو سهام
صرخت بصوت عالي ولطمت علئ وجهها بثنين اديها بكل قوة وتصرخ...يا ناس يا عالم الحكولي نسيبي سب ابوي والله اليوم اسويها عشاير والله كدرتك علئ مره
عمر ببرود...دمشي ولي وجيبيلي اخير واحد بعشيرتكم اله اطيح حضه وحظ عشيرته ما بيكم زلم
اني دخت هم مو نفس العشيرة هي سهام من نفس عشيرتنه بس ما نعرفها هو جدي خطبها الو ودايخه بهل سالفه لا هاي بنت عم ولا بنت خال المهم من العشيرة
جاوبتو بوعيد...خوش اني رايحه اذا ما خليتهم يمرعدونك تمرعد
بنفس البرود جاوبها...خوش اني رجال متعافي وادور الشر دواره اريد واحد من العارات العندكم يجيني اله هنا انصب فاتحته ادبسزية عديمين الشرف
أنت تقرأ
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
