#سلالة العنفوان...ذنب عينيك

الذنب العاشر

الذنب العاشر ج 2
رواية...ذنب عينيك ...سلالة العنفوان
بقلمي...نور سمو العراق

💔💔💔💔💔💔💔

ثمة مشاعر كُتب عليها الكتمان ، الكتمان الذي قد ينقذنا من الكثير ، هذه المشاعر التي ستبقى سجينة القلب تؤذينا من أجل أن لا نؤذي من نحب.

..............................

سوزان...

بصراحه ما اعرف شنو الي اتملكني من شفت جدو واكف وهو لابس عباته ودشداشته سبحته بيده وشكله هيبه صح هو قاسي بس شكله مهيب مدا اكدر انكر هذا الشئ ...كولة فاروق الله ذاب عليه جمال المفلوك...

بلعت ريكي بخوف كلت بقلبي...يا عزا ديريد ياخذني هاي ماكو غير ماما هي الي رسلته لهنا ديتعارك ويه فاروق

اديه كولهن عجين وهماتين فستاني حجيت بقلق...جدو هااا شجابك

ضحك بصوت عالي اول مره اشوفه هيج يضحك وهل شئ طمني شويه كال...ول ابو الفوارق بعد جده شمسوي،بيج وين سوزانه الناعمه الما تشرب روحها مي ؟

ابتسمت...اي دا اساعد باجي جميلة بالعجين خطيه الوحدها مدا تكدر

رد عليه وهو يحط ايده علئ كتفي بامتنان...عفية عفيه بسوزان معدله هيج اريدج

صاح فاروق من الغرفه...سوزان شعندج واكفه بالباب طبي لا اكسر رجلج

ضحك جدي واكتافه تهتز ...ههههه ول فاروق مسيطر ما شاء اللة عليه صيحي اليه ...

ضحكت بتوتر ياربي الشامخ مو عوايده يضحك ويحمد بفاروق شكو شنو السالفه

دا اريد ادخل واجه فاروق لان شافني تأخرت بالباب كال...هاااي وين صرتي شكو واكفه بالباب طبي لحد يشوفج ...ياااااي يغار عليه

كطع كلامه من شاف جدو استغرب كال بارتباك...هاا الشامخ شني انه بحلم بعلم شجابك من الغربية لهنا

جدو ضحك كال..افااا هيج تستقبل جدك يوليد وانه جدك ومتعني مناك لهينا لخاطرك

باوعلي بنظرة شك وبعدها رجع باوعله وهو يضحك ..هههه لا لا تفضل تفضل اهلا وسهلا زارتنا البركه منورة البصره بوجودك

صاح بصوت عالي...طبن جوه طبن جوه جانه خطار

اشرله بيدي تفضل هنا بالاستقبال مشه الشامخ كدامه بخطوات واثقه

واني مشيت كدام فاروق ومبتسمه وفرحانه لا الحمد لله العلاقه صايره تمام بين فاروقي والشامخ

ما حسيت الا بواحد سحبني من ياخة ثوبي بعنف طرت من بين اديه

باوعتله بغضب وضربته علئ صدره...كم مره كتلك اني مو صديقك ميتاب ليش هيج تجرني جان خلعت ايدي ذوق ما عندك انت ...