الذنب 30
رواية...ذنب عينيك...سلالة العنفوان
بقلم...نور سمو العراق
💔💔💔💔💔💔💔💔💔
يالمعوضني كل تعبي
شجازي عيونك الحلوه ؟
شجازي الگبل لا اعثر يگلي اندارلك فدوه !
...............
حياة مليانه بالوجع بشغف الحنين وازدحام المشاعر صايره مثل الشلال الي مية يتساقط من أعلى المنحدر وما يعرف وين يكون المسقر
جنت نايمه علئ صدره واستع الانين روحه المعذبه لخاطري..
بخاطري كلام ما اريد اشكي بس اله ببالي اشياء ما اريد يعرفها بس هو الدمعه جفت بعيني
منين ابدي ومنين احجي من شنو اشكي اله عن ضرب عمي اليه لو عن موت طفلنا الي ما لحك يعيش باحشائي...
منين ابدي ياذيب ورغم رغبتي اله بالشكوئ واخذ حقي بس جسمي تعبان ولساني ثكيل ما اكدر انطف بكلمة
مثل الهاوي وناوي ما اكدر رغم اني رغبة كبيرة بالكلام حتئ ازيح هل كم الهائل من الاحداث الصارت الي...
معدتي أحسها تفور وراسي يوجعني موتني احس عبالك حفلة صاخبه براسي ...
اضغط علئ اديه واصابع رجليه واشنج بيهن هو انتبه اليه
رفع راسي وركز بملامحي باستغراب كال...قربان صدقيني القول واحجيلي ولا تضمين عني اي كلمة انتي شنو العانيتي عند بيت عمج لا تضمين اذا ضميتي ازعل
بجيت بصمت مطبق ودفنت وجهي بصدره هاربه من ذكرياتي بذاك البيت
رفع راسي مرة اللخ وانصدمت من باوع لعيوني كال...شبيهن عيونج انتي ماخذه علاج صايرلج شئ لا تورين كلبي
ابتعدت عنه واني احك بجسمي...انييي لاااا انييي
بجيت بحزن مريع وحضنت وجهي بين كفوف اديه...صارلي هوايه اشياء بغيابك يا ذياب استغلوني بعدم وجودك يمي
لزم راسي بكفوف اديه وهمس بصوت معذب وحزين...شسوولج
رفعت عيوني اتفاده سقوط الدموع والعبرة خنكتني همست...كول شنو الما سووه؟
مسح دموعي وصك علئ اسنانه...ما اطلع الذيب اذا ما خليتهم مثل الجرذان يتختلون ويجون يعتذرون منج
حضنته بخوف مثل طفلي وخايفه عليه...لا عوفهم الله يحاسبهم الله موجود لا تاذي نفسك وتاذيني ذول كلاب اني اني اخاف عليك
حضني بقوة وهو يسالني بگلب محروك...ضربج اذاج وين ضربج احجيلي والله وسفه انه ذيب الشامخ مرتي تنهان وتنضرب وضل ساكت
ضحكت بهستريا من بين دموعي...ههههه مو بس هيج لااااا تعرف شسوه كتل طفلنا
اني من كلت هييج هو انتفض وبعدنء عنه شويه سالني بذهول وملامح الصدمه اعتلت وجه...شنووو كتل طفلنا ؟ جنتي حاااامل
أنت تقرأ
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
