الذنب... العاشر
رواية...ذنب عينيك...سلالة العنفوان
يقلمي...نور سمو العراق💔💔💔💔💔💔💔💔💔💔💔
بين الفوضـىٰ وفظاعـة العالم كـــان وجهُــكَ حَـــلٌ 💚
................................
من نطق الحكم اتكطعت اوصال روحي حسيت ملك الموت خطف روحي بثواني صرت مثل الورقه اليابسه بس واحد يطخني انكسر...
اليوم انكتبت لحظات الفراك احس روحي لا اني طايله سماء ولا ارض نفس يقتل نفس...
شهكت بانين كئيب نبع من اعماق روحي حطيت ايدي علئ شفايفي مصدومه وعيوني اتسعت بقوه وجة نظري للنقيب
أتساءل جان يطمني من كثر ما ثقيت بي واطمئنانه حسيت الحكم سهل يمكن سنه او افراج تالي يكولي اعدام
ما وكعت ولا انهرت من كثر الصدمه ضليت صامده ولازمه الحديد قوووي حسيت حكسره باديه
ما حجيت ولا نطقت كلمه بس رجفه اعتلت جسمي وخشمي نزف دم...وعيوني غوشت راسي احس حينفجر...
من شافني هيج واكو بعد ضابط هو كال برجاء...سيادة القاضي ياريت لو تتريث بالحكم.... المتهم بريء حتى تثبت إدانته...هي ما ثبتت عليها التهمه
واني قدمت تقرير كامل ليش،ما اخذتو بعين الاعتبار
الاعضاء ضلو يحجون ويه القاضي وهو يرد عليهم والنقيب يرد بقوه و وياه بعد ضابط هم تعاطف ويايه بس شويه جان القاضي صعب
بعدها رد بعدم اهتمام...نستأنف الحكم واطلبو الرحمه الها من رئاسة
الاعضاء والنقيب والقاضي قدموا طلب للرئاسه وبعدها كالو لو يضل الحكم لو يتبدل...
ضليت ليلة كاملة بتوقيف الأمن العام مجان عندي وسيلة غير الدمع والنحيب كآبة اعتلت صدري وخنگة بروحي
ورغم كل هذا احس بنعاس فضيع جنت بسجن منفرد كالو بس ليلة وحده وبعدها ترجعين للسجن القديم...
أنت تقرأ
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...