#سلالة العنفوان...ذنب عينيك

الذنب 25

الذنب 25
رواية...ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔💔💔

يامــــــــن نقشتم •
على قلبي مودتكـم                               
وصرتمُ  ••               
    في قرار العين سكـــــــانا

عذري إليكم فمــــا ••     
ضاعت مودتكــــم     
وما أرتضينا بغيــــر ••
الشوق عنوانــــــا

لو ...  طال صمتــــي
فقلبي ليس ينساكم
لاتحسبــــو الصمت •• تقصيرونسيــــــانا٠
صباح القلوب الصافية احبتي

.....................................

ا

لانسان من يكون تحت ضغط نفسي ما يعرف شلون يتصرف او بالاحرى يكون راهن نفسه علئ گشاية حتئ وان كانت هاي الگشه الي تقسم ضهر البعير...

طلعت للبستان قبل ما يجي ذيب واني اكطع بالشبزي تريد تبيعه مرة خالي...

رغم اضحك واسولف بس بداخلي غصه من السجن وضلمته مرات احس بالعار يتلبسني

من السجن من سعيد من اي واحد مر بحياني حتئ من ذياب...

اي احس بالعار احس نفسي رخيصه وساعات اكول لااا مو هيج اني متزوجه علئ سنة الله ورسوله

بس اني ليش هذا الاحساس يراودني لان اني اهلي ميدرون بيه متزوجه مجانوا موجودين وينطون موافقتهم

اخاف يرجعون وبعدها يتخبلون يكولون شلون تتزوجين من دون علمنه شلون تتزوجين واحنه مموجودين وانوب بالسر...

مسحت دموعي بقسوة ورجعت اكطع واجمع بالشبزي...

حسيت اكو حركه بالبستان درت وجهي وارتعبت بسرعه اخاف من الناس الغربة وصايره عندي ردة فعل قوية...

وكفت همست بارتجاف...منو انت رايد شئ

رد عليه بلهجه غريبه وباللغه العربية المكسرة حسيت بي من شمال العراق كال...انت قربى اخته لسليم ؟

هزيت راسي بأي ومن سمعت اسم اخويه علئ اللسانه حست خنجر مسموم ودخل لصدري...

طلع رساله من جيبه وانطاها اليه كال...اقريها وافهمج اني منو؟

فتحت الرساله واصابعي ترجف وكلبي يدك سريع متت خووف...

مضمون الرساله...

الاخت ضلع...ونص قلب الام ...يارب استودعك اختي ...

شلونج يا جمال الحياة وربيعها ...شلونج يا قطعه من امي...

مشتاقلج بكد المشاكل الي صارت النه ..مشتاقلج بكد حزني عليج بكد راحتي بوجودج

اعذريني جاي أعصر أفكاري وأنثر مشاعري وأبعثر أحساسي حتى اكتب كلمة وحده أعبر بها عن مدى حزني وشوقي الج  بخاطري كلام ما اكدر احجي لغيرج، قربى محتاج القرب منج...