#سلالة العنفوان...ذنب عينيك

الذنب 34

الذنب 34
رواية...ذنب عينيك..سلالة العنفوان
بقلمي...نور سمو العراق.

💔💔💔💔💔💔💔💔💔

سوزان...

كنت كاعده وصافنه بالفراغ اني شنو مصيري ويه فاروق اني شلون اكدر اعيش وياه والاصعب شلون اعيش من دونه...

بحياتي كلها ما حبيت ولا جذبني رجل كنت اروح للمدرسه وارجع اخذ طريقي واجي بطريقي امي كانت مخليه عينها علئ ذيب اليه

بس اني ما كنت اهتم لان اعرف تحبه فريال وما انصدمت من جدي كال فريال لذياب...

وماما من شافت ماكو امل بذيب انتقلت تحوم علئ ابن اختها من تكريت وزناكيل وكالت هذا الج اتفقن بينهن الامهات وهو كان دائما ينضرلي بنظرة عشق

كنت راضيه بي نوعا مااا بس ما حبيته احسه فاهي وعنده كل شي عادي ما احسه انسان غيور

ماما حاولت قبل لا انخطب الفاروق تقربنه من بعض بس المشكله اني من كعدت وياه حسيت ما عنده رجوله...

هو كلي احببج بس ما حسيت بطعم هل كلمه ابد حجينه سولفنه كتله...كولش احب هيثم يوسف حلو واغانيه حلوة وشكله يجنن

رد عليه بضحكه...ههههه مو بس انتي معجبه بي حتئ اني معجب بي بعد هيثم يوسف وعندج الحساب

صدمني يمكن قناعتي تختلف عن قناعة غيري بس اني هاي اشياء بداخلي
احبها احب اكون جوهرة بعين الرجال الي انتمي اله احب غيرته وحفاظه عليه يحاسبني ويرضيني

والصدمه الثانيه من ماما كالت اله ان راح يكون بيني وبين فاروق عقد زواج ورقي لا اكثر ولا اقل

كان جوابه صادم بالنسبه اليه اي عادي اذا الدرجات تفيدها خلي تعقد واني واثق من حب سوزي اليه و واثق اكثر ان مستحيل تميل الفاروق لان اني مو مثل فاروق

اني عندي شهاده وبين عائلة محترمه ومحترم ومثقف وكلها تشهد اليه فاروق ما يمتلك هاي المقومات الي اني امتلكهن

صدمني يعني ما فكر يمكن انجذب الفاروق يمكن يغيرني باسلوبه واسلوب فاروق جديد عليه

اني فاقده لغيره مثل فاروق التدخل بحياتي مثل فاروق بابا شنو البس ميحجي ابد وانور نسخة بابا واحس هيج شخصيه مستحيل تحتويني

اول لمسه و اول بوسه واول اعتراض علئ لبسي كان من فاروق من كثر تدخله بحياتي حسيت اني انتمي اله هو وبس

صرت اخاف البس هيج او اطلع بهذا المكان احسه سيطر عليه

بهاي الأثناء ابتعدت عن انور اني بمجرد ما انخطبت ابتعدت عن انور خليت ببالي اني
ملك يمين لشخص ثاني اطلع من حياته يله ادخل بحياة انور...

وبعدها اخذني
فاروق جابني هنا عشت وياه بماساة ما كنت حاسه بيها ولا كنت راح احس متعلمة على حياة البذخ والرفاهيه