#سلالة العنفوان...ذنب عينيك

البارت 15

البارت15
رواية..ذنب عينيك ..سلالة العنفوان
بقلمي..نور سمو العراق

💔💔💔💔💔💔💔💔
أنتِ خليتي الغصن بالروح يثمر گبل وكته
أنتِ رجعتي النفس لسنين ميتة،
أنتِ رجعتي الحنين
البلزغر عند أُمي شفته

............

تنبية...بنات اني البارت القبل هذا كاتبه موبايل عود تيليفون ارضي يله هي سحكه عادي اني هوايه اسحك لان اكتب باستعجال نرجو منكم السموحه والمعذره وسعة الصدر وطول البال 😂

بعد لازم انتم تصححون من يمكم ماكو داعي دكولون سحكه اني صرت حتئ ما اصحح 😁

.....................

قربى

تبلدت احاسيسي وتجمدت شراييني كلبي يرجف بكل قوة...

هيئة الضابط وضخامته وحدة شكله سبب عندي نوع من الهلع ...والرجفه الي اعتلت كل جسمي...

ضليت بحالة صدمة رجعتلي ذكريات من الماضي رجع كل شئ كدامي من اشوف الضباط والشرطه تتوقف عندي الحياة موت يدخل بكل جسمي

احساس مستحيل ماكو شخص مار بيه من خوفه او رعب يحس جسمه كله يموت والگلب ينخطف من الجسد...

فاروق جان يباوعلي مصدوم. واخيرا حس عليه وعرف المصيبه الي اني،بيها...

رجع سالني الضباط مره ثانية وبحده اكبر...مو دا اسالج شنو اسمج بابا ليش متحجين

حسيت بغواش علئ عيوني وارتطمت بالحايط من دون سابق انذار احس بيهم يركضون ويحجون ويايه بس لا افهم كلامهم ولا اشوف صورتهم واضحه

ميزت منهم بس فاروق من شالني وهو يحجي وياي...قربى

بعدها ما حسيت علئ شئ،وفعلا دخلت بعالم ما ينتمي العالمي ولا حسيت علئ،نفسي بعد...

...فاروق

ما جنت متوقع او انه نسيت ان قربى تعتبر معارضه للدوله جنت ناسي الموضوع كله او ما عايره اي اهمية

اصلا استغربت منها من ما انطت اسمها بله الجنسيه كلت اكيد ما جايبتها بس من سألها عن اسمها هي وجهه صار اصفر وتغير لونها...

لحظتها انه حسيت عليها ردت اصحح الموقف اكله اسمها حفصه حتئ لو اورط حفصه بس المشكله هي قربى وكعت مغمي عليها...

صارت ضجه من قبل الضباط والشرطه وانه همين انخبصت وياهم نزلت الها وضربتها علئ خدها احاول اصحيها صحت...قربى قربى يبا تسمعيني بس هي،جانت لا حياة لمن تنادي...