السلام عليكم
وياكم الكاتبة نورا ناصر
عفية على كيفكم وي نور تره ممتعمدة ماتنشر هيه كاتبة البارت بس ماجاي تكدر تنشره وحتى جاي تجازف بحسابها بسبب ملحتكم راعوا ظروفها
انا جان عندي ظرف هسه يله كدرت اتواصل وياها وانشرلها البارت تره ماطايرة القصة اول وتالي راح تقرونها هسه االمسلسلات التركية ماتنتظرون كل اسبوع حلقة ليش ماتصبرون يوم واحد هم بشر حالها حالكم ينكطع النت تتعب امتحانات وهكذا يعني هم مايصير اللتزام مية بالمية
انوب حتى علاجها مااخذته بسبب التوتر اذا صار بيها شي اكتلكم وحدة وحدة ا😤😤😤
الذنب السابع ج2
رواية...ذنب عينيك...سلالة العنفوان
بقلمي...نور سمو العراق
💔💔💔💔💔💔💔💔💔💔
رضا من الرحمن وسعادة لا تغادركم
مساء المحبه 😍
..........................
لو كانت ضحكتك تباع!
لاشتريتها بكل ما املك من حنين
ورهنت عمري ثمنا في سبيل الحصول عليها
وعلقتها علئ قلادتي كوشم ازلي
كلما افتقرت الفرح..تحسستها بين ثنايا نبضي..
..................
لكل شخص بينه وجع خاص لو يكون مخفي او يكون لا
ومهما يكون وجع ادم صعب... بس مو اصعب من الي خلقت من ضلعه ..« ذياب »
ما اكدر ابتسم وهو موجوع وخافي الالمه عني
انكسرت بداخلي الدنيا من شفته مهموم...
جنت نايمه علئ السرير بإهمال وهو جان نايم بصفي جان الجو شويه بارد فجنت متغطيه ببطانيه ثخينه وعلي منومته علئ صفحه اخاف عليه ينمرد...
واني مغمضه عيوني تلمست المكان من حسيت بعدم وجود ذياب علئ فراشي فتحت عيوني بهدوء وبعدت البطانيه من جسمي لفحني الجو البارد ونسمات الهواء الي تغلغلت بجسمي العاري من فوك
شفته واكف علئ شباك الغرفه المطل علئ الشارع العام وفاتح جزء من الشباك كان يشتنشق هوا نقي...
واكف والحزن مغيم علئ طوله الفارع واحساسه مجروح ذياب مختلي بنفسه يضحك ويسولف ويحاول يبعد عني الطاقه السلبيه والحزن وهو مهموم
رجال شايل من صفات الجبال شامخ وصامد وقوي ويحتوي غيره وشايل الكل علئ جتافه ...
ضليت اباوع عليه وگلبي يغلي عليه لزمت صدري بوجع وبلعت ريكي حقه الصار مو شويه هو انغدر من ابن عمه وعمته وبنت عمه
ورغم كل هذا موقف جده وبرائته منه صح هو طرده من عشيرته بس ذياب الوحده عشيره ورغم كولشي يعز عليه يفارك اهله وناسه ...
جنت لابسه ثوب نوم بدون اكمام بس خيط علئ الكتف ابيض ستن ومطرز بخرز ابيض من الصدر ناعم لبست فوكاه الروب من نفس القماش بس بي ااكمام طويله و واسعه ....
أنت تقرأ
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
