#سلالة العنفوان...ذنب عينيك

الذنب 29

الذنب 29
رواية..ذنب عينيك ...سلالة العنفوان
بقلمي...نور سمو العراق
💔💔💔💔💔💔💔💔💔💔💔💔

مَـآ أ

َصْـعَـبْ أَنْ تُـصْـبِـح تَـــآئِـهَــاً ..!~
بَينَ حُلُمٍ لآ يَكتَمِل وَ وَآقِــعْ لآ يُحـتَـمَــل
.
.

رد عليه فاروق وهو متعصب...يبا انت شتحجي انت تعرفني انه منووو ؟ انه فاروق البصراوي اخو النقيب ذيب الشامخ...

وازيدك من الشعر بيت وبعد كل هاي الامتيازات انه صديق الريس وعندي خدمه عسكرية ومصاب عسكري.

جاوبه الشرطي بغرور...هذا كله ما يشفع الك انتم عليكم بلاغ بحمل المخدرات واذا انت متأكد من نفسك انت مو حامل للمخدرات خلينه نفتش...

اشر فاروق بيده للسياره كله...فتش

ضلو يفتشون بالسياره واني ارجف وحبست انفاسي المجروحه بصدري

جنت اراقب تحركات الشرطه بكره تام وعيوني تباوعلهم بنظرات موجعه لگلبي اكرهم وجودهم يسبب عندي انهيار..

گلبي مرتعب منهم ومن طغاينهم ضامه بصدري ذكريات موجعه ومخزنتها بداخلي

بعد ما فتشو فاروق والسياره ما جان اكو شئ بعدها الشرطي اشر عليه وأمر الشرطية تفتشني

بلعت ريكي بارتعاب شديد ورجليه ما سيطرت عليهن حتئ هي شكت بيه وحست ان اني فعلا احمل كميه من المخدرات

جانت قاسيه وتتمنئ لو انها تلكه عندي حتئ لو ذره من هل ماده حتئ تترفع وينطوها نوط الشجاعه هه

فتشت كل ملابسي واغراضي وبعدها اتجهت فتشت جسمي ومدت ايدها علئ صدري خجلت وضليت اتلوه بين اديها من خجلي

صرخت بيه بصوت غاضب...اثبتيييي خليني افتشج

وكفت بحيرة وثبتت نفسي وهي تفتش بيه ولاحظت ارتجاف اطرافي

رمشت بعيونها مستغربه كالت...وين المخدرات

ارتجفت شفايفي وبروح ذبلانه جاوبت....ما عندي ما اعرف

ركزت بملامحي وبشك كالت...بس،وجهج تعبان وذبلان كأن تعانين من الإدمان

رديت عليها...لااا بس اني صار كم يوم ولدت ومات طفلي وحزينه عليه وهماتين تعرفين اوجاع الولاده والحمل والفقدان

جرت نفس وبشك كالت...اي مو كلت وجهج مو طبيعي المهم احتمال يكون ادعاء كاذب

رجعت كالت للضابط...سيدي ما لكيت شئ رغم فتشتها تفتيش عميق..

اشر بعيونه بجبروت وغرور...فتشو السياره وفاروق مره ثانيه

فاروق...يله فتشو شباب تردون افتش،وياكم ؟