#سلالة العنفوان...ذنب عينيك

الذنب 27

الذنب27
رواية..ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔💔💔
بارت تعويض عن البارت السابق 😘

احيا رغم الموت الذي أحويهِ بداخلي .
أغَني رغمَ عزائي على نفسي .
أتشبث بأغنيةٍ أو بقصيدةٍ ما لإنقذني من الغرق .
أتمرد على نفسي و على سوادي و على وحشية من حولي و على مرارة الايام و أبتسم .
هكذا أنا ، أحزن حين أريد أن أحزن و لن يقتلعني أحدّ من حُزني ، و أفرحُ حين أريد أن أفرح و لن يقتلعني أحدٌ من فرحي .

................

قربى...

اتصدمت من الدم الي نزل عليه رمشت بعيوني خايفه معقولة هاي الدورة اني صار فتره مجايتني...

بس هاي اول مره هيج تصير عندي اعراض اني دائما رجلي اليمين توجعني اختلف عن بنات جيلي من تجيني

دائما رجلي توكف من الوجع وتتشنج وبعدها تنزل هل مره لا تختلف وجع ببطني و ضهري..

اخذت احتياطاتي ورجعت تمددت علئ ظهري الله ينتقم منك يا كلب ظهري احسه يتكطع احس خنجر نابت بضهري..

الألم جان مسيطر عليه لدرجه ان اني عجزت انطق صبرت روحي وعضت شفايفي اكتم أوجاعي...

غمضت عيوني وطرت علئ بالي صورة ذياب ابتسمت من يين احزاني هو ملاذي وملجئي

اتذكر من جان يجي تعبان من بغداد للبصرا والكهرباء طافيه اكعد اهفي عليه منا لما توكع ايدي وهو من يكعد ينقهر يكلي لا تسوين هيج..

رجعت بذاكرتي اعيد موقف وياة من جنت نايمه تحت تأثير احلام مزعجه فزيت مرعوبه واني اصرخ...عوفووو تيييم عوووفني طلعووني

لزمني وكبل مقاومتي همس بحنان واني بين احضانه و دموعي تشرح احزاني كال...اششش لا تخافين مجرد حلم

سمعت صوت الرعد والمطر واني ابجي بصوت واشهك همست...مطرت

كال بحنان...اي مطرت نطلع شويه بالمطر..

هزيت راسي بأي ...طلعنه اني وياه كال...ارفعي اديج الرب العباد وادعي ربي يفرج همج ويخلصج من اعدائج ومن كل واحد ضلمج...

اشكي وابجي...لعل تكون ساعة استجابة

هو جان ورايه واكف واني كدامه رفع اديه بحالة دعاء وهمس باذني واني منهاره من البكاء والنحيب كال...ادعي عن ضلمهم ولا تحللين كل واحد اذاج...

درت وجهي عليه والمطر غسل دموعي همست...انتم مو منهم يذيبي اني بعد ما اشك بيك انت لو منهم ما طلبت ادعي عليهم...

سحب راسي وزرعني بصدره جر نفس عميق رد عليه...حتئ لو جنت وياهم اخذلهم مستحيل اخذلج كتلج من زمان...انه طايح بذنب عيونج...