#سلالة العنفوان...ذنب عينيك

الذنب 28

الذنب 28
رواية..ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔💔

غراني الدلال العودتني عليه
چنت يمك ورد مشتل
وتالي لگيته هم ينباع المدلل ♥️
.

...........................

صرت كل الي اتمناه ان اموت طاهره ومن دون ذنب دخلت بحالة يأس من كالت الدكتورة ماما انتي مسقطه الطفل ...

رجعت راسي علئ المخده بيأس وحزن فضيع حطيت ايدي علئ بطني بالم وشرود ...اني ويني ليش أحس احساسي ضايع ليس احس ما الي ردة فعل

شئ ينهش بدمي وروحي وخلايا الألم ميته عندي احساس مضطرب بين الحياة وبين الا حياة

رمشت بعيوني تعبانه حيصير تسع ايام اعاني لوحدي فقدت روحي وجوارحي واخر شئ كنت اتوقعه افقد طفل حاملته بين احشائي وما حسيت بي

بجيت ودموعي تتسابق علئ،خدودي حامل وما ادري بروحي ما حسيت بامومتي ما حسيت بي من يعاني بداخل احشائي مات ما دريت عنه...

غمضت عيوني وطيف الذيب اسرني حبيبي يا ذياب ضعت من بعدك

كالت الدكتورة...هو واكع بس لازم نسويلج كورداش

اني جنت مستسلمه لكل شئ مسلوبة الحياة والارادة والدمعة بعيني للحضات اشتاقيت لامي لطفولتي لكل شئ يخص اهلي...

سوتلي كورداش من دون بنج شفت الموت بعيوني والوجع استوطن علئ مشارف الألم...

صوت بالسماء وصوت بالالم من الوجع صارت عندي رجفه مو طبيعيه ولساني ثكل تاتات بالكلام وفقدت وعيي من الوجع

مر نص ساعه واني عقلي يفوور اريد ارتاح ادور علئ الراحه والسعاده وما الكه السعاده واطير واحلق بالجو اله من اشرب هاي الحبايه المسكن الي ينطيها اليه عمو اول مره ابر انوب بودره وهسه حبوب مثل القرص الأبيض ابلعه بشوية مي ويجيني شعور بالسعاده والارتياح...

طلبت منهم يطلعوني اريد اشوف عمي ضيدان اريد اشوفه ينطيني العلاج وارتاح وانسه همي...

رجعوني للبيت وعقلي كله يشتغل غمضت عيوني عصرتهن اني ما استاهل ذياب ابد ما استاهله ضيعت طفل من صلبه ما جنت قويه بما فية الكفاية حتئ احافظ علئ ذريته...

همست باسف...عذرني ذياب والله مو قصدي والله هددني ياخذ خالي وعائلته ويلبسهم تهمه رحت مجبوره ما ردت خالي يتأذه بسببي خطيه تحملني هواي...

نزلت من السياره واني منقرفه من ام بثينه المقرفه لزمت ايدي سحبتها منها بقوووة...زانية مجرمه وقذره ما اريدها تدنسني...

هزت ايديها ومشت كدامي متعصبية كالت...فوك ما اساعدها انوب ما ترضه جاييتله طفل مال زنا وجايه