#سلالة العنفوان...ذنب عينيك

الذنب التاسع

الذنب التاسع
رواية... ذنب عينيك.. سلالة العنفوان
بقلمي...نور سمو العراق
💔💔💔💔💔💔💔💔💔💔

كانتْ جميلة، لكِن لَيس
كفَتيَات المجلاَّت، كانت جميلة لأنَّها ترى الأُمور بشكل مُخْتلِف، كانتْ
جميلة بسببِ عينيها الَّتي تتَألَّق عندما تتحدث عَن شيء تحبُّه، كانتْ
جميلة بسبب قدرتها على
جَعْلِ الآخرين يبتسِمُون
حتَّى وهِي حَزينة. لم يكُنْ جمَالها ينبع منْ أيّ جمَال خارِجِيّ مؤَقت، َكَانَ
جمَالُها يَنْبع منْ أَعْماقِ روحهَا 🦋💕💫.

••

....................

جنه كاعدين بروعة الطبيعة الخلابه والجو الحلو الي يفتح النفس ريحة الزرع تنطي طاقه إيجابية

رغم خوفي من مواجهة بيت الشامخ بس احساس بالانتماء بهذا البيت وهذا الوطن دخل بأعماق روحي ونشر البهجة حسيت فعلا اني عندي مكانه بهذا المجتمع

بمجرد ما صار عندي بيت يجمعني اني وعائلتي الصغيرونه المتكونه من ذيبي وعلاوي الحليوه

عجبني نكعد بالحديقه نتسامر ونتعلل ونستنشق هوا نقي خالي من وقود السيارات هههههه

اندك الباب بقوه وهذا الي جنت خايفه منه جنت خايفه بيت الشامخ يجونه مو صرنه جيران هجمو عليه يا ستار استر...

حضنت علي بتوتر وكفت كتله بهمة...هذا ذياب بدينه بعدنه يا الله ما گلنه حلال

باوعلي بنظرات جامده ومشه خطوات فتح الباب ودخل اخو العرس قبل اسمه حذيفه اعتقد...

هجم علينع بهجوم مباغت...هاااا ذياااب جبتها دخلتها للغربيه تريد جدي ينجلط رجعها منين ما جبتها رجعها...

عاط بي ذياب من دون نفس....هييي شكو كل شويه و واحد منكم هجم عليه تولون من وجهي لا ابتلي بيكم ول ما تستحون انه زعطوط ؟ بكيفكم انه ما امشي بكيفكم اودي واجيب اشتغل عندكم انه مناعيل الوالديه

حذيفه بعصبية...تسب ابوي تعلن والديني الخاطر حرمة

باوعلي وأردف بضحكة مستهزئة...ههه خوش زلمة زلمتج سب اهله لخاطرج...

ذياب لزم حذيفه من ياخة قميصه بغضب كاسح...انت ياهو الدازك عليه بعدني يا الله ما صار خمس دقايق من دخلت الغربيه ايمت اجيت وايمت هجمتو عليه عاد خلونه نرتاح من طول الطريق...

حذيفة...انه دحجت علئ سيارتك وهي تفوت من جداك بيته جان استحيت من جدي وهو مدللك

ذياب وهو يحاول يكتم غضبه..وامشي ولي من وجهي ما متحمل وجودكم بحياتي ول ليسمعكم يكول زاني ما يكول حرمتي وابني وماخذها بالحلال

حذيفة...لا بالسر بيها حظ ما تزوجت بالسر بس اكيد كح...

ما كمل كلمته بسبب البوكس الي اجاه صدك اني خفت بس ما اعرف حسيت ارتاحيت من ضربه شلون هيج يطعن بعرضي حرام رمي المحصنات...