#سلالة العنفوان...ذنب عينيك

البارت 13

البارت الثالث عشر ج2
رواية..ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔💔

................

احلام مخنوكه وساعات جمدت كل العمر  وجود الشامخ ببيتنا سبب ضجة بداخل روحي

ومن صاح عليه ارتعبت صراحه وكفت يمه بتوتر وجاوبته .. اهلا وسهلا جدو كل الهلا بيك

رد عليه بحزم...انه ما يشرفني اكون جدج لهذا السبب ما اريدج تصيحين جدي

نزلت راسي بقلة حيلة وهو كعد على القنفه كال بامر. ..روحي جيبيلي ماي اشربو

رحت بسرعه للمطبخ واجت وئام ورايه كالت بلهفه...لا تخافين ديري بالج تخافين منه ترا هذا الشامخ مثل الثعلب،يغدر اذا شاف عدوه ضعيف

ترست السراحيه مي،من البوري وجاوبتها.. لا ان شاء اللة ما راح اخاف بس خليج ويايه حتئ تكونين شاهده علئ كلامي

ردت عليه ...اي اكيد اني،وياج لا تخافين مثل ما كتلج ولا تطولين وياه بالكلام ...

هزيت راسي بأي وخليت ورحت انطيته المي،وكعدت متقابلة اله كال...ول شلونها حرم ذيب المصون

ابتسمت بثقة.  الحمد لله بخير وعافية

ضحك باستهزاء...عجل شلون ما تصيرين بخير وعافية وانتي كاعده بقصر بعد ما لفاج ذياب من مزبلتج

انقهرت بداخلي من كلامه بس جاوبته ببرود..ونعم من ذيب،واسمه عليه أفتخر بي وما انسئ فضله

جر نفس وهو يسبح بسبحته...اي اخذتي خيرة ويلادي حقج تفتخرين

مجاوبته علئ كلامه كال وهو يقبض على سبحته ويحجي،بهدوء..  اي كليلي انت بنت منو اهلج منين من يا ديره

ابتسمت ابتسامه بارده...اهلي ونعم منهم عرفو شلون يربوني و اهلي من ارض الله الواسعة ذياب لو يعرف اهلي ناس تافهين ما يخطبني ويتزوجني

زمخ بوجهي بعصبية.  انه ألعب وياج ادري من ارض الواسعة انطيني عنوان اهلج بالتفصيل وبعدين ضلي تفلسفي

بلعت ريكي بخوف وشجعت نفسي...ليش تسالني اني... اسأل ذيب وهو يجاوبك

رد عليه.. هو ما يرد عليه ما يكول انتي،من يا ديره

رفعت اكتافي،بذهول مصطنع .عجيب ليش ما يكول من اي،ديره اني بس يجوز يخاف تاذون اهلي