#سلالة العنفوان...ذنب عينيك

الذنب الاخير...

الذنب الاخير
رواية...ذنب عينيك...سلالة العنفوان.
بقلمي...نور سمو العراق

💔💔💔💔💔💔💔💔💔

احبج واليحب بلوة
وين الله وقسمتي تروح يم عيونج الحلوة
واسولفلج عليج اهواي
واتبلل يواهس ماي
عينج يمي لاتغفة
اريدن كون وجهج يترس الغرفة
واشتم بيج حنية
احبج حيل يبنية
جهالي بحضنج ينامون
هنياااااالي

للشاعر صادق طلال....

المحطه الاخيره من الراويه

..................

غدير...

خلصت محاضرات وضليت كاعده انتظر الخط يجيني جنت لابسه قمصله لونها كريمي وبنطرون اسود وبوت كريمي بس مو طويل لا وسط ولابسه شال اسود ومخليه شويه مكياج ...

ضجت لحد الان الخط ما اجه اتصل بي ما يرد عليه ضليت بقلق عليه

صار عندي ملل مو طبيعي كلت يمكن ازدحام خليني اتصفح بموبايلي فتحت الموبايل دخلت علئ الصور ورحت على المحذوفات ابتسمت كلها صور محمد

جنت ادخل علئ حسابه بالفيس وبالانستا وشنو الكه ناشر اسحبه او اخذ سكرين واحتفظ بي

جانت عنده صورة كولش احبها لابس ساعه ذهبيه وبيها فضي ولازم الرتبه مالته و يدحك للرتبه ولابس زي عسكري

تنفست بعممممق واني مبتسمه كأني احبووو عزااا لا كولشي ولااحبه بله طلع ما يحبني اضل ابجي والطم عليه

زين هسه اني شبيه ليش خليت الناس كلها وحبيته يعني كومة شباب هنا واني شاطره كولش ويحترموني ويحبوني ليش محبيت منهم ليش الا محمد ابن عمه وئام ...

درت عيني للجهه الثانيه واسترجعت موقف صار ويايه

مره رحت الهم وهو شافني بالمطبخ اني من اشوفه ما اعرف شنو يصير بيه تبرد اطرافي واتوتر واضل ما اعرف شسوي شكله رجولي تطغئ عليه وتحسسني بانوثتي

كال وهو يشرب مي شلونج غدير شلونه دوامج

جاوبته ببتسامه...الحمد لله تمام وانت شلون دوامك

رد عليه بقهر...ابوج مطيح حضي كل شغله براسي ولا يكول ابن اختي وخلي اداريه ول مو خال ضيم

ضحكت..ههههههههههه اي بابا حبيبي نزيهه

رد عليه مسوي روحهما يفهم...بابا حبيبج يعني قصدج بابا حبيبي لو تحجين ويايه بمعنئ اي حبيبي بابا نزيهه فهميني

فركت اديه وجاوبته ببتسامه...لا ابويه حبيبي

حك ركبته كال...هااا مو كلت شعجب دكلي حبيبي بس ليش تفركين باديج مستحيه مني