الذنب التاسع
رواية...ذنب عينيك ..سلالة العنفوان
بقلمي...نور سمو العراق
💔💔💔💔💔💔💔💔💔💔💔
عيناها .. كأنهما الطمأنينة بعد التوبة ..❤️❤️
...............................
الخوف هو لا بد منه حتئ نتجنب ما نوگع بالأخطاء لان خوفنه يردعنه عن المخاطر والمشاكل...
بس لازم ما نخلي هذا الخوف يتملكنه بكل وقت لان الخوف الزايد يخلي الناس اكثر عبوديه ودوم مذلوله
فلازم اتحده هذا الخوف قبل لا يسيطر عليه ويتملكني لذلك اني اعتبر الخوف هو اسوء مستشار للانسان....
من نطق وكال محكمتج هذا الشهر ما انكر تملكني خووف مو طبيعي بحيث بطني انمغصت واطرافي رجفت كلها
عصرت اديه بتوتر كتله...فدوه سيدي اخااااف يعدموني
ركز بعيوني كال...لا ان شاء الله خير لو مهما كان القرار احنه مدام وصلنه السيادة القاضي نكدر نطلب الرحمة...
دمعت عيوني....سيدي خايفه
رد عليه يطمني...ول ول ول يعني واذا عدموج يله الخلقج يخلق غيرج ههه
تمنيت ما اخاف منه وعندي ميانه وياه جان عرفت شلون ارد بس اني ما اكدر انطق حاليا ضحكت..ههه بس اني طيني من ذهب مو مثل غيري هيج امي دكول... دكول قربانه مخلوقه من ذهب
رد عليه...الله يرحمها تجاملج بله مخلوقه من ذهب شعرج منين مخلوق:؟
ابتسمت..والله شعري حلوو مميز بس غير تلف من شد الاعصاب والقهر وسوء الخدمه وعدم الاهتمام
تنهد...ول قربان السانج طوويل تردين خدمه بعد انتي احمدي ربج ما نقلوج لابو غريب تا تشوفين الخدمه علئ اصولها
بلعت ريكي...لا يمه اسم الله سيدي اني بس يمك احجي هيج اتشاقه ما احجي صدك هسه لو نسبح بتيزاب راضيين
صاح بصوت...ابو خليل
دخل ابو خليل اخذ التحية...اامر سيدي
تنهد ...رجع قربانه للسجن لسانها طولان ومحتاجه تاديب
بلعت العافيه وابو خليل باوعله مقهور...تحجي صدك سيدي ؟
ابتسم بهدوء...لا ما احجي صدك بس هي صدك لسانها طولان ما تنعطي مجال
رمشت بعيونئ بقلق...سيدي شمسويه
أنت تقرأ
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
