الذنب الثاني ج 2
رواية ...ذنب عينيك..سلالة العنفوان
بقلمي...نور سمو العراق
💔💔💔💔💔💔💔💔💔💔
رَبّاهُ هذا القلبُ أتعبَهُ الأسى
فأَغِثهُ ياربي بِفَيضِ حنانِ. 🌱
...............................
ماكو واحد بينه يمتلك حياة ورديه ولا گلب خالي من المشاكل لكل شخص همومه وطاقة من التحمل
اكو ناس رغم مشاكلهم و مأساتهم بس دائما دكول الحمد لله يارب وهي مبتسمه وان شاء اللة اكون اني منهم
وما افقد املي برب العالمين واصبر وصبري علئ الله
اذا هم جايبلي عواصف تعصف حياتي فراح اكون اني هاي العاصفه
اني اليوم ام عندي مسؤؤليه من يوم الي انولد بي علي واني حسيت نفسي لبوه كبرت الف سنه صرت اكثر قوه اكثر شراسه
صرت مسؤؤله واي خطوه اخطيها لازم ادرسها لازم احمي طفلي اساعده وانصفه ويعترفون بي وغصبا علئ خشومهم
اني امك يا علاوي ان شاء اللة سند الك اليوم الدين ما راح اخليك متشتت اقوي من عزيمتك ورافكك بدربك
راحت قربئ الطفله لااا اليوم قربئ ام عندها هدف وهدفها هو تربية ابنها و اوصله لابو لبر الأمان
وعلاوي ما يعلئ شأنه ولا يتحدد نسبه اله بوجود ابو لذلك هدفي هو اليوم شلون اوصل علي لابو !
من شفت دخولهم عليه احتضنت ابني اكثر وباوعتلهم بقوه وحده ما بينت خوفي الهم ردت ابين الهم ان اني خصم مو ضعيف وقوي ولازم يكونون حذرين مني
واني فاهمه ما اتقشمر بتهديداتهم ولا بكلامهم مراح اكون مهزوزه ولا مضطربة...راح اكون قربان الذيب..
كعد مقابيلي علئ الكرسي وعمته واكفه وسانده نفسها علئ كتفه رفع عيونه الها وهمس ببتسامة...حلوة ترا
ردت عليه بضحكه...اي حلوة ما اعرف هن ليش الكح...الله يذب عليهن جمال
رد عليها...لا وصلفه ما تنكسر عينها واني رجال
ابتسمت باستهزاء...هه انت لا تنمي لصنف الرجال ولا لصنف النساء انت بين قوسين خنثاء ممحدد جنسك
رد بعصبية وحده...اكلي تبن لا اترس حلكج تراب ادبسز هاي اول مره واخر مره تتجاوزين علئ اسيادج مره ثانيه اكطع السانج واخليج بدون اللسان...
غطيت علي ونزلت عيوني لابني مجاوبته ولا ناقشته بس جان موقفي ثابت
رد عليه...ما خايفه مووو؟
رفعت عيوني ...ما اكو شئ يخوف الحمد لله الامور الصالحي اكثر ما هي الصالحك
ضحك...اي شلون بله مدام اشرحيلي
أنت تقرأ
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
