#سلالة العنفوان...ذنب عينيك

الذنب الخامس

الذنب الخامس
رواية...ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔💔

ليس كـل مايطلق عليهم رجال هـم رجال ،
فكلمة الطيور تجمع بين الصقور والدجاج !!

............................

انصدمت اصلا تفاجئت من كال جاسوسه يعني لهل درجه اني بدون ضمير واخلي ارواح ناس بيدي

اني الي اخاف اكتل نمله اروح أقدم ارواح ناس ابرياء علئ طبق من ذهب حتئ غيري يستفاد

هزيت راسي بنفي...لا والف لاااا مستحيل مستحيل سيدي ما اكدر اسوي هيييج اني مالي شغل بالعالم اني عليه بنفسي وباهلي واحلفلك احنه ممنتمين ولا معارضين

رد عليه...انتي مجاي تتعاونين ويه الدوله اذا انتي معارضه وتنتمون فعلا للاحزاب

وكفت بخوف...سيدي فدوه لاااا مو هيج والله ابد احنه مو هيج

رفع حاجب بقباحه...لا انتي واضح عليج مبينه وكحه وصلفه بس تتلونين كل شويه وهذا واقعكم انتم المعارضين مدام هيج مناويه تتعاملين اذا راح احيلج المحكمة الثورة هناك عود من يعدمونج كليلهم ما اتعاون

شهكت برعب واني ابجي...سسدي فدوه والله اني يتيمه ومحد الي والله العظيم دا احلفلك وروح امي ما عندي اي شئ يعني ظلم والله

اني مكلت ظلم انگلب طنطل هجم عليه وخنگني بيده حسيت الحياة راح تفارقني وضليت ارفس برجليه واني لازمه ايده اريد احرر رگبتي منه

حسيت الموت وكف علئ اعتاب روحي وحسيت ببروده نزلت علئ شفايفي عرفت خشمي طك دم

دفعني بقسوه كال بغضب وزمجره...شنوو ظلم احنه ظلام قصدج قصدج السيد الرئيس حفظه الله ورعاه ظالم؟

رجع كعد علئ الكرسي كدام المكتب وكتب مذكره بحقي جانوا اكو ظباط واكفين و عريف للامانه حسيتهم انقهروا عليه وتعاطفوا ويايه جنت طفله وما اعرف شنو احجي

هو انطه المذكره الواحد وكله..طلعها لهل كلبه

هو اجه طلعني جان هو رجال بكد بابا تقريبا كال..لج بابا شسويتي لو متوسله بي شويه جان رحمج ليش كلتيله ظلم

شهكت ببكاء...والله ما اعرف كووولشي ما اعرف احجي فدوووه ساعدني

تنهد كال...بلكي اكدر اساعدج اذا رفعوج لمحكمة الثورة لا تتوترين واطلبي الرحمه ولا تحجين من يستفزوج خليج هادئه

كتله بخوف...فدوه سيدي انت شسمك حتئ اذا هاي تكدر تجي للمحكمه

جر نفس كال...اسمي الظابط ابو علاء بس اني مو علئ سجن الرشاد يعني ما اكدر احضر بمحكوميتج بس مثل ما وصيتج لا يستفزوج ولا تتوترين خليج هادئه وثيري عاطفة القاضي العام