#سلالة العنفوان...ذنب عينيك

الذنب 24

الذنب24
رواية...ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔💔

قوميلي ييمه وداعتج تعبان
بس بشوفج أبره وتبتسم عيني
بس انتي الوحيده بهالكون
بتراب الچفن يا غالية تشريني
اسمعيني ييمه وقومي اترجاج
ما ترجيت منج هيج تاذيني
كوميلي آني جيتج ماأريد اعذار
طشرني الوكت يايمه لميني

................................

جنت بحاجة امي من اول ما ماتت واني بحاجتها الدمعه ما نشفت عنها ولا يوم

امي من ماتت لحد الان واني واهلي تدمرنه عشنا بخوف ولهسه ما اعرف اهلي ابوي الغالي اخواني سوده عليه ما اعرف عدلين ميتين وين صارو بأي ديره...

من انام صورة امي ما تفاركني ابد روحي تفرفح عليها مرات أحسها زعلانه مني احسها ما راضيه لان متزوجه هيج زواج...

من نمت وفكرة تأخذني وفكره تجيبني افكر بذيب هو گلي اخوي فاروق يدري بزواجنه يعني هو ما عنده اشكال بزواجنه ويه الحكومه تضل المشكله مشكلة الحكومه...

بلكي الله يستقيل او يترك هل شغل ونكدر نسافر لان اني ما عندي اي معلومه عن هذا الشئ...وبخصوص هو يكدر يستقيل او لا ؟

نمت وكعدت وما اشوف اله هجوم مباغت صار علئ بيت بيبي والامن طوقوا البيت ...

كلهم واكفين بهيبه وجبروت مرعب لابسين الزي الزيتوني والشوارب تخوووف ومسدساتهم بالگراب وكعدو يفتشون ويصيحون...

اني گلبي حسيته وكع ببطني ورجفت كل اعضائي رجعت بذاكرتي السعيد من اعتقل بيتنه واخذني للسجن من ضرب واهانه وتحرش وعذاب نفسي وجسدي...

حسيت نفسي بداخل دوامه احس الحياطين تحجي وتصرخ احس كلشي يصرخ باسمي...

الضباط تصيح قربى الحياطين الاثاث المزارع ...

ركضت مرعوووبه وكعدت بين الزاوية والكنتور حصنت نفسي ولميت رجلية الصدري

واني اهلوس واحجي...مااا اريد لاااا لااااا ذياب ذيااااب تعال لااااا وينك لاااا لا تاخذوني والله والله مم مسويه شئ ...

ما الي ذنب والله مو اني عوفني عوووفني لا تسجني لااا ما اريد انفرادي...

جنت احجي وابجي واهز بنفسي مثل وحده مريضه بمرض نفسي...

حسيت انفتح الباب و واحد بصوت خشن كال لبيبي ...مجرد تفتيش لا اكثر ولا اقل تكدرين تكولين للبنيه تستر نفسها...

بيبي باوعت بارجاء الغرفه وشافتني بحالة يرثا الها كلتله ...بس يمه خليني استرها هي متزوجه ورجلها مو هنا راح للانبار...

تقربت مني وهي حزينه وكفتني وضمتني بصدرها وهم دخلو ضلو يفتشون وبعدها خلو وراحوو...

حضنت بيبي واني ابجي كالت بحنان وهي تمسح علئ شعري...بسم الله يمه راحوو راحوو لا تخافين