#سلالة العنفوان...ذنب عينيك

الذنب 23

الذنب23
رواية...ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔💔💔

بَعدها برُوحي طِفله تِخاف
إذا جَاسو تَراجيها .
بَعدها ترِيد وٰاحِد لْـۆ بِجَت
يسمِع بوٰاجِيها..!الذنب23

.......................................

الي يعجبني بذياب هو اهتمامه بيه وياخذ كل شئ مهم بحياتي ويفصله يحس بيه من اضوج يحس من ازعل...

من رجعت بالطريق شافني صافنه وممهتمه لمرضي الي صابني شئ غريب ارتفاع ضغط الدم لوحده بعمري

انتبهت علئ كلامه وهو يكول...شلون نخلي الحلوة تضحك ؟

درت وجهي عليه وابتسمت...والله ما ادري انت وخبرتك

رفع حاجب...انه خبير بكل شي تريدين اضحكج برومانسيه احجيلج نكته ..ننحرف ونضحك كيفج انتي وارادتج

باوعتله بعتب...سولفلي نكته وعوف سوالف الغزل والانحراف

رد عليه...تتدللين جم قربان عندي احجيلج نكته

حجه النكته واني جنت اباوعله وهو مركز بالطريق ويحجي بيها جنت منتظرة نهاية النكته كال...اكو وحده بليلة عرسها تخاف....

ضربته علئ كتفه بغضب واحراج...عزا العزاني هاي شنوو. شنو من نكته هاي سخيفه ومو راحه تحجيلي ليلة الدخله لو شنو

رد عليه ببراءة...غير انتي كلتي احجيلي نكته وهذا انا ماقصرت

جاوبته باحراج...اي نكته مو ليلة الدخله

رد مثل واحد فقير ومسكين...ما ادري انه كل النكات الاعرفهن هيج علئ هذا النمط...لو طالبه رومانسيه مو احسن

ضحكت ودرت وجهي...خليك ساكت ما نريد اي شئ منك

جاوبني بعدم مبالاة...كيفج عود ردت اضحكج

ركزت بالطريق واني استعيد النكته المنحرفه ببالي وكوه كاتمه ضحكتي لا تفضحني...

وصلنه لمنطقه كتله...صف السياره هنا وخلينه ننزل نتمشئ حلو الجو والطريق همات حلو

جان طريق ترابي وعلى الجهتين اشجار خضرة وكدامنا جسر ونهر مرتبط بشط العرب ، المي صافي وقوارب خشبية مصفوفة ومربوطة يم الجسر ..

هو ما قصر نزلنه بالطريق وجنه نتمشئ جان لازم ايدي بيده يعصرها حيل ويباوعلي ويضحك

واني كاشخه لابسه كوستم وشعري صح مجعد وعكش بس مرتبته جان مفتوح وماخذه من اطرافه لافته ومخليه قراصه صغيرة...

جنه نسولف ونضحك ونحجي نتهامس...ونتقرب على بعض من نريد نهمس ...

ما اشوف اله هجوم مباغت من وحدة من المزارع الي على جهة ااي نمشي بصفها طلع النه الضاهر جان مراقبني