الذنب...الثاني عشر
رواية...ذنب عينيك...سلالة العنفوان
بقلمي...نور سمو العراق
💔💔💔💔💔💔💔💔💔
عيش وحدك
موت فارغ لا تحط للناس هم
الناس ماتهوى الندى ولون الفراش
الناس تهوى بكل شبر مزروع دم
الراحل عريان السيد خلف
..........................................
شهكت من كلامه ياربي لو مدفونه ولا سامعه هل كلام يمكن القبر احن منهم ...
دخيلك يارب رحمتك انت ارحم الراحمين...
حطيت اذني اكثر واني استمع لكلام سلمان اللاذع كال...يا ابو عسله اني اريد مصلحتك انت تعرف بنت اختك انحكمت اعدام وبعدها طلعت بمساعده من النقيب ذيب...
بس انت لو تفكر شويه راح تصادف حجم الخساير وترجع تسأل نفسك ليش نقيب مثل ذيب الشامخ عنده معارف بالدوله ونقيب محنك مثله يساعدها وهو يعرف كلش زين اخوها مطلوب للدوله ومحكوم اعدام
وابوها واخوها الثاني يمكن اصلا انعدموا او انفو ممعروف مصيرهم...وجود هاي البنيه خطر بحياتك وانت رجال فقير لا حول ولا قوه احتمال يكون طلعوها من السجن حتئ يورطونكم اكثر ويعرفون مكان سليم...
رد عليه خالي بخوف...والله يا يبا ما ادري شكلك انه خايف من زمان من اول ما دشت بيتي بس انه ما اكدر اتخله عنها عمن هي بت اختي وما الها والي غيري
تنهدت سلمان.. انت ينراد وراك ظهر قوي مثل شيخ عشيره او قبليه وتعرف شويه لعشاير الهم صيت وانت رجال مريض ويا دوب تعين عويلك فاني اكول لو تزوجها للبنيه احسن هم تفتك من مصروفها وهم مخلص من مشاكلها وملاحقة الامن الها...
نفخ خالي بقهر...هو انه يايني « جايني » واحد هو انه عسيله محد دك بابها مو انوب بت اختي مخلصه سنه مدري شكد بالسجن...
سلمان...اي صح اذا عرفت بيها الناس مسجونه والتهمه الانضمام لحزب الدعوه محد راح يدك بابها واصلا محد يفكر بيها الناس تخاف علئ رواحها مو انوب تجيب سم وتسم رواحها بيه
لذلك انه حجيت ويه عمي شيخ وكال انه اتكفلها واتكفل كلشي يصير عليها واحميها
خالي...يعني شني يتزوجها
سلمان بضحكة...ههههه لا هو متزوج وبناته اكبر من البنيه بس عنده ولد واحد وهذا الولد هو مو مختل عقليا وانما شلون نكول شويه معاق
خالي بصدمه...معااااق؟ مكطومه رجله ايده..مصاب حرب شني السالفه اذا هيج عادي انه هم مكطومه رجلي وكاعد اچد علئ بناتي هذا الشئ مو عيب
سلمان...لا لا هو جسمه سليم..بس هو تصرفاته مثل تصرفات الطفل وعنده حركه قووويه براسه بس هو خوش ولد وابن شيوخ وعندهم كيعان و أراضي يعني هي المستفاده
YOU ARE READING
#سلالة العنفوان...ذنب عينيك
ChickLitسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
