#سلالة العنفوان...ذنب عينيك

الذنب السادس

الذنب السادس
رواية...ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔💔💔

قد تنسی العین من رأت.... لكن القلب لا ینسی من احب

.................................

وئام...

جنت كاعده اوكل بابني حبيبي صار عمره 4 سنوات طبعا احبوو انجن عليه بريئ رغم سوالف ابو السوده وياي بس هو مالو ذنب بلي صار

الله يرحمو ابو اصر يتزوجني رغم يكبرني بعشرين سنه تخبلت من خطبني وجدي جبرني عليه ما انطيتو نفسي وكان كل تقاريو مني اغتصاب

كرهتو وكرهة الزواج منا لمن الله اخذ امنتو وخلصني منوو حسيت نفسي تحررت لكن جدي قرر يربطني باخو الثاني سيف

بس انه ما احبهم ولا اطيقهم وصارت گونه شكبرها من وره هل موضوع وبعدها سدوو

انه قررت اذا فتحوا الموضوع مره ثانيه انهزم لو لبغداد هناك يم جدتي لو اروح للبصره يم امي

بس هم هددوني اذا رحت للبصره ياخذون محمد ابني مني كاضبيني من خوانيكي ما يخلوني اعيش

انه مو فقيرة لا بالعكس انه اخت الذيب واخت فاروق عشرة ما يكدرولي ولساني طويل بس انه اضل انثئ هشه واخاف اتصرف تصرف واضيع ابني

حاليا عمري 22سنه واريد اعتمد علئ نفسي وما اخلي ابني يحتاج لأي شخص...

رغم ذيب اخوي ما مقصر وينطيني فلوس وحتئ فاروق من اروح الهم ما يقصر رغم لسانو الزفر بس ما مقصر

دكول جدتي انتي وفاروق رويسيه لهذا السبب انتم ما اتراهمون احنه مو رويسيه لان بينه فرق شاسع بالعمر...بينه فرق سبع سنوات

شفت ذيب طلع من غرفتو وهو ينشف وجهو بالمنشفه اجه تقرب منه ولعب بشعر محمد ابني

ضحكت كتلو ...صح النوم

شمر نفسه علئ القنفه وجر نفس كال..يصح بدنج والله الطريق من بغداد للانبار طويل و وعر ومتعب يعني حقي من ارجع انام سبع ساعات او اكثر مو؟

ضحكت ..ههههههه حقك حقك بس عليش ما ضليت عند بيت عمي ابو فريال مو احسن من هل تعب

فرك وجهه بنعاس...لا متعلم علئ ديرتي انه ما اكدر اتاقلم هناك انتي شايفه من ادخل للبستان وادحك هل حيوانات والاشجار شلون ترد روحي

ضحكت وغمزتله...وفريال ما ترد روحك

لحظة صمت منه جر نفس كال...شو صايره ما تستحين ولج منو معلمج هل حجي

وئام...هههههه شنو منو معلمني لك يووول اعترف تحب فريال لو لا

شمر المنشفه بوجهي...احبها ولا ما احبها انت شعليج ؟