#سلالة العنفوان...ذنب عينيك

الذنب العشرين.

الذنب العشرين
رواية..ذنب عينيك..سلالة العنفوان
بقلمي .... نور سمو العراق

💔💔💔💔💔💔💔💔

يقول مصطفى محمود ؛

" لا تحزن عند الصدمات ..

فلولاها لبقينا مخدوعين لمدة طويلة ..

هي قاسية ..

لكنها صادقة"..

...............

تنويه...احبتي اعتذر عن التاخير ظروفي حالت بيني وبينك عندي ظرف صحي لحد الان اعاني منه بسبب الكتابه والضغط علئ ايدي صار عندي التهاب بالاعصاب او ربما يكون السبب اخر...

الدكتور طلب مني استراحه طويله لكن اني،ما كدرت لازم اخلص الروايه تا ارتاح وانتم ترتاحون والابطال يرتاحون...

اشكرك الناس الي سالت عني وقدرت وضعي والي ما قدر وضعي الله يسامحه ان شاء اللة ما ضل شئ وتخلص الروايه وتصير سوالف

اذا ما تحسن وضع ايدي وضليت اعاني منها انطيها لاي كاتبه القصه وتكملها الكم ان شاء اللة ما اخليكم هيج معلكين...دمتم بخير دائما وابدا ❤

..................

شتات شتات شتات

حاولت اجمع شتات نفسي من انذكر الاسم الكل ما عرف منو لكن ذياب اكيد يعرفه هو عدوه اللدود هو الي جان سبب بكل هل مشاكل...

جان الرجال منزل راسه بخوف وقلق واعضاءه كل تتراجف والدمعه تنزل منه بصمت وهو يراقب الوجوه والثاني اخس من حاله...

بس من كال ...انه اشتغل جاسوس،الشرهان وهو علك راس الخروف ..

زلزل كل كياني وصابتني حاله من الهلع والخوف الشامخ باوع الذيب بصدمة..ول منو هذا انوب شرهان

لزم الرجال وخنكه بعكاله وهو يرفس بي...اكف حيوان كوووول منو هذا شرهان

ذياب حط ايده بجمود كدام جده وكدام هذا الجاسوس ورد عليه...ااش خلاص عرفتو

الشامخ بغضب...منو من الي يريد يشل الثقه بيني وبيك يول

ذياب بتنهيده..هذا واحد كلب ابن كلب اعرفو وياي بالشغل عندي عداوه وياه جنت شاك بي بس ما توقعتو يصل للغربية...بس هين حسابو عندي اذا ما ندمتو علئ فعلتو هذي ما اطلع ذيب

بلعت ريكي بتوتر وخوف ...شلون ياربي هذا شرهان يشتغل من جوه الجوه لا هامته حكومه ولا هامه رائد بالجيش...