(Unicode)
ကုမ္ပဏီဝန်ထမ်းတို့၏ လုပ်ရိုးလုပ်စဉ်အတိုင်း ပိုင်မြင့်မြတ်ကျော်သည်လည်း ရုံးရောက်တာနဲ့ စားပွဲမှာ တကုတ်ကုတ်နှင့် အလုပ်လုပ်၊ ထမင်းစားချိန်နား၊ ပြီးတာနဲ့ အလုပ်ပြန်လုပ်၊ အချိန်တန်ရုံးဆင်း စသည့် အမှုကိစ္စတွေနဲ့သာ သံသရာလည်သည်။
"အလုပ်လုပ်တော့မယ်ဆို လာပြီကွာ"
မန်နေဂျာအား လက်မှတ်ထိုးဖို့ လိုအပ်သည့် စာရွက်စာတမ်းတွေ သွားပေးအပြီး အလုပ်စားပွဲမှာ ပြန်ထိုင်ကာ ကီးဘုတ်ပေါ် လက်တင်ရရုံပဲ ရှိသေးသည်၊ တုန်ခါလာသည့် ဖုန်းကြောင့် ဖုန်းကို ယူကြည့်ရသည်။ ဖုန်းအော်ပရေတာတွေက ဆက်တာဖြစ်မယ်ဆိုပြီး ပစ်ထားလို့မရ။ ပစ်ထားလိုက်လို့ အာကာလင်းသန့် ဖြစ်နေမှ သူ့အတွက် ငါးပါးမှောက်မည်။
ယူကြည့်လိုက်တော့ အာကာလင်းသန့်မဟုတ်သလို ဖုန်းအော်ပရေတာကလည်း မဟုတ်။ နံပါတ်အစိမ်းဖြစ်၏။
"ဟယ်လို"
"ဦးပိုင်မြင့်မြတ်ကျော်လား မသိဘူး ခင်ဗျ"
"ဟုတ်ပါတယ်၊ ဘာကိစ္စရှိလို့ပါလဲ"
"အာကာလင်းသန့်ဆိုတဲ့ကောင်လေးကို ကျွန်တော်တို့ရဲ့ နယ်မြေရဲစခန်းမှာ ထိန်းသိမ်းထားတယ် ဆိုတာ လှမ်းအကြောင်းကြားတာပါ"
"ဗျာ"
ပိုင်မြင့်မြတ်ကျော်မှာ နွေခေါင်ခေါင်တွင် သူ့ရဲ့ခေါင်းတည့်တည့်သို့ မိုးကြိုးပစ်ချခံလိုက်ရသလို ခံစားချက်ဖြင့် သူ့ရဲ့ အိတ်နဲ့ ထမင်းချိုင့်ကို ခပ်မြန်မြန်ဆွဲယူကာ ကုမ္ပဏီရှေ့ ကားပါကင်ရှိ သူ့ကားလေးဆီသို့ ဒရောသောပါး သွားမိသည်။ ဟိုမှာ ကိစ္စတွေ လုပ်ရကိုင်ရတာ ကြာနေမှာစိုးတာနဲ့ တစ်ခါတည်း အရေးပေါ် ရုံးဆင်းလာခဲ့သည်။ ရင်ထဲမှာလည်း တဒိတ်ဒိတ်နှင့် ဘာအမှုနဲ့ အချုပ်ထဲ ရောက်နေမှန်းမသိသည့် အာကာလင်းသန့်ကြောင့် ဘုရားလည်း 'တ' နေရသည်။
ကားမတိုက်မိအောင် စိတ်ကထိန်းရင်း ခက်ခက်ခဲခဲ ပင်ပန်းစွာ မောင်းလာရပြီးသည့်နောက်မှာတော့ အာကာလင်းသန့်ရှိနေသော ရဲစခန်းသို့ အန္တရယ်ကင်းစွာ ရောက်လာသည်။ ပိုင်မြင့်မြတ်ကျော်ဘဝတွင် ယနေ့လောက် ကားမောင်းရတာ ရင်တထိတ်ထိတ်ဖြစ်ရသည့်နေ့ မရှိခဲ့။ ထို့အပြင် တစ်ခါမှ ခြေဦးမလှည့်ဖူးသည့် ရဲစခန်းသို့လည်း အလည်တစ်ခေါက် ရောက်နေရပြီ။
CITEȘTI
နွေးထွေးမှုတို့လွှမ်းခြုံကာ( Completed) ေနြးေထြးမႈတို႔ လႊမ္းၿခံဳကာ(Completed)
DragosteCover photo credit to the rightful owner. အဆိုးဆုံးအခြေအနေမှာတောင် ကျွန်တော့်ကို မစွန့်လွှတ်ခဲ့ဘဲ သူ့ရင်ခွင်မှာ တစ်သက်လုံး စံမြန်းခွင့်ပေးတဲ့ သူ့အတွက် ကျွန်တော့်အချစ်တွေက သမုဒ္ဒရာထက်တောင် နက်ရှိုင်းတယ်ဆိုတာ သူသိအောင် ဖွင့်ထုတ်မပြောပြလည်း သူသိတယ်ဆိုတ...