(Unicode)
အမြွှာနှစ်ယောက် မူကြိုသွားရမည့် ပထမဆုံးရက်ဖြစ်သည်။ ကလေးတွေက နေရာအသစ်တစ်ခုကို ပထမဦးဆုံး ဝင်ရောက်ရမှာဖြစ်လို့ စိတ်လှုပ်ရှားနေကြပြီး တက်တက်ကြွကြွနဲ့ပင် မနေ့ညက အိပ်ယာဝင်သွားခဲ့သည်။ ကာကာ့လိုမျိုး ကျောင်းသွားချင်သည်ဟု အမြဲပူဆာနေခဲ့သော အမြွှာနှစ်ယောက်မှာ သူတို့ကိုယ်တိုင် သွားရတော့မည်ဖြစ်၍လည်း ပျော်နေကြသည်။
အာကာလင်းသန့်သည် မီးဖိုချောင်ထဲဝင်ပြီး အမြွှာတွေအတွက် ထမင်းဘူး ပြင်ပေးနေသည်။ ဒေါ်ကြီးတင့်က သူမပင်ပန်းအောင် စောစောလာပေးမယ်ဆိုတာ သူလက်မခံ။ သူကိုယ်တိုင် ပြင်ပေးချင်တာကြောင့် ပုံမှန်လာနေကျအချိန်ပဲ လာရန် မှာကြားထားသည်။ ထမင်းဘူး ပြင်ရာတွင်လည်း အမြွှာတွေမြင်တာနဲ့ စားချင်စိတ်ဖြစ်အောင် bento toolsလေးတွေသုံးကာ ပြင်ဖြစ်သည်။ အရုပ်လေးတွေနှင့်ဖြစ်၍ သူတို့ကြိုက်မှာ မလွဲမသေပေ။ ထမင်းနှင့်အတူတူ ဗိုက်ဆာတဲ့အချိန် အလွယ်တကူယူစားနိုင်ရန် စားနေကျ မုန့်ထုတ်လေးတွေပါ ထည့်ပေးလိုက်သည်။ ထို့နောက် ပါးစပ်သုတ်ဖို့ လက်သုတ်ပုဝါနှင့် အစာကြေဆေးတွေကိုလည်း ထည့်ပေးဖို့ မမေ့။ အကုန်လုံး ပြင်စင်လို့အပြီးတွင် ထမင်းဘူးတွေကို သူ့အိတ်တွေနဲ့သူ ထည့်ကာ အိမ်ရှေ့၌ အဆင်သင့်ထားခဲ့လိုက်သည်။
သူတို့ရဲ့ အခန်းထဲရောက်တော့ ပိုင်မြင့်မြတ်ကျော်မှာ ရေချိုးပြီး၍ အင်္ကျီတောင် ဝတ်နေလေပြီ။ အနားသို့သွားကာ မတပ်ရသေးသော အင်္ကျီကြယ်သီးတွေကို သူကပဲ တပ်ပေးဖြစ်သည်။ ပိုင်မြင့်မြတ်ကျော်က သူ့နဖူးကို ငုံ့နမ်းသောကြောင့် ဒီနေ့အတွက် မနက်ခင်းတိုင်းရနေကျ အနမ်းအပြင် ထပ်ဆောင်းအဖြစ် အပိုတစ်ခုထပ်ရလိုက်သည်။
"ကလေးတွေကို နှိုးပြီး ရေချိုးခိုင်းလိုက်ဦးမယ်"
"ကိုယ်နှိုးလိုက်မယ် သန့်၊ သန့်က လုပ်စရာရှိတာလုပ်"
"ဒါဆိုလည်း ဦးမြတ်ပဲ နှိုးလိုက်တော့၊ ကျွန်တော် ရေမြန်မြန်ချိုး အဝတ်အစားလဲပြီး လာခဲ့မယ်"
ပိုင်မြင့်မြတ်ကျော်ကို သူပြောသလိုပဲ ရေကိုခပ်မြန်မြန်လေးချိုးလိုက်ကာ ကြိုရွေးထားသည့် အဝတ်တွေကို ကောက်ဝတ်ပြီး အပြင်သွားတိုင်းလိမ်းနေကျ skincareတွေလိမ်းလိုက်၍ ကလေးတွေရဲ့အခန်းဆီသို့ ကူးသည်။ သူအခန်းထဲလည်းအရောက် ကလေးတွေမှာ မူကြိုအင်္ကျီလေးတွေဝတ်လျက်သားနှင့် ဖြစ်နေကြသည်။ မူကြိုကျောင်းသားတွေ ဖြစ်သွားပြီဖြစ်သော သားနဲ့သမီးနှစ်ယောက်ကို သူ ရပ်ကြည့်နေမိသည်။ သူတို့ကို ငေးကြည့်နေသော သူ့အား အမြွှာတွေက မြင်သည်နှင့် သူ့ဆီသို့ ပြေးလာကြသည်။
YOU ARE READING
နွေးထွေးမှုတို့လွှမ်းခြုံကာ( Completed) ေနြးေထြးမႈတို႔ လႊမ္းၿခံဳကာ(Completed)
RomanceCover photo credit to the rightful owner. အဆိုးဆုံးအခြေအနေမှာတောင် ကျွန်တော့်ကို မစွန့်လွှတ်ခဲ့ဘဲ သူ့ရင်ခွင်မှာ တစ်သက်လုံး စံမြန်းခွင့်ပေးတဲ့ သူ့အတွက် ကျွန်တော့်အချစ်တွေက သမုဒ္ဒရာထက်တောင် နက်ရှိုင်းတယ်ဆိုတာ သူသိအောင် ဖွင့်ထုတ်မပြောပြလည်း သူသိတယ်ဆိုတ...