Will I Wake Up?

Chapter Fifty-Three

Aly's POV

"Hija..." bati sa akin ng mama ni Kei ngunit hindi agad ako nakasagot rito. Maya-maya pa ay naramdaman ko na lamang ang mga kamay na pumalibot sa baywang ko.

Agad akong napaharap kay Kei na ngayon ay nakangiti habang nakatingin sa akin. Bahagya itong tumango saka ako inalalayan na lumapit sa mga magulang nito. Medyo nailang pa ako dahil iba ang pakiramdam ko sa mga hawak niyang iyon. At isa pa ay unang beses ko pa lamang nakita ang mga magulang niya.

Pakiramdam ko tuloy ay magpapakilala ako bilang girlfriend niya kahit na kasal naman na kami. Nagmano ako rito at naiilang na ngumiti. Lalapit na sana ako sa ama ni Kei ngunit hinawakan lamang nito ang ulo ko at bahagyang hinaplos saka ngumiti. Bilang sagot ay ngumiti na lamang ako at pormal na pinapasok sa loob ng bahay.

Nanginginig pa akong naghain ng mga dala nilang pagkain habang si Kei naman ay masayang kinakausap ang mama niya.

"How are you, Aly?" nakangiting tanong ni Ate Mari nang sumunod ito sa akin sa kusina upang tumulong sa paghahain.

Napangiti ako.

"I'm fine ate," nakangiting sagot ko.

"Well, that's great. Sabi nina mom baka matagalan pa ulit bago sila makakabisita rito kaya mag i-stay siya ng mga 3 more days bago umalis. Habang si Dad naman ay sa susunod na araw ang alis," mahabang litanya nito saka tumingin sa ama.

Sinundan ko rin ang tinitignan nito. Kasalukuyang nilalaro ng ama ni Kei ang mga bata. Hindi ko maiwasang mapangiti. I never thought na sa ganitong sitwasyon ko pa unang makikita ang parents niya. Hindi naman sila harmful at toxic na masyadong mapagmataas, in fact they are too good to be true. Kaya medyo nagtataka rin ako.

I don't know Kei's background lalo na ang about sa family niya dahil di naman kami close, at isa pa ay di ako interesado sa kanya noon...but I guess, kailangan kong malaman iyon kung nandito ako.

Napalingon ako kay ate Mari. Mula sa mga mata hanggang sa braso at mukha ay sigurado akong iisa lamang siya sa kapatid ni Kei sa kabilang mundo. Ilang beses na akong napunta rito bilang asawa ni Kei pero ngayon ko lang napagtanto na hindi ito naiiba sa mundong ginagalawan ko.

Agad kong naalala ang sinabi noon ni Kei. Paano nga kaya kung future ko ito? Future namin ni Kei? I don't want to accept it as my future dahil ayokong makatuluyan si Keifer... that's why I want to do something para di mangyari ang mangyayari.

Kei is here. His parents and even ate Mari. Sa pagkakaalala ko ay may gusto si Kuya Ross kay Ate Mari, nagkatuluyan ba sila? How about Sophie? Dylan? Si Kiane may asawa na rin ba siya?!

Napayuko ako sa mga iniisip ko. Maybe I'll talk to Ate Mari later. Marami ng bagay ang pumapasok sa isip ko kaya naman gusto ko yung makuhaan ng kasagutan. ang mga ito.

Pagkatapos kong kumuha ng drinks ay agad na rin akong nagpunta sa table habang si ate Mari naman ay tinawag na ang iba. Magkatabi kami ni Keifer sa upuan habang nasa harapan namin ang dalawang bata. Habang si Ate Mari naman ay nasa bandang kanan ko at kaharap ang mama nito.

"Let's eat," aya ng ama ni Kei saka nag-umpisa nang hainan ang sariling hapag.

Tahimik lamang akong kumain habang bahagya akong kinukwentuhan ni Ate Mari. Si Kei naman ay katawanan ang ama habang nakikinig lamang ang ina nito. After naming kumain ay dumiretso muna ako sa kwarto para magbihis. Di ko rin alam kung bakit kabado ako kanina habang kaharap ng parents ni Kei kaya naman pawis na pawis ako.

Agad akong nagtungo sa cabinet para kumuha ng pamalit nang biglang bumukas ang pinto.

"Darling, hinahanap ka ni mom s-"