- Unicode -
စုန့်ချီ၏ စိတ်အစုံမှာ အနှီကိစ္စအထွေထွေကြောင့် ဘောင်ဘင်ခတ်ရှုပ်ထွေးနေသည်ဖြစ်ရာ ရုန်ပိုင်၏စကားကို ချက်ချင်းနားမလည်ခဲ့ချေ။
တစ်ခဏခန့် ကြောင်အမ်းနေပြီးမှ ဆိုလိုရင်းကို သဘောပေါက်တော့သည်။ သူ ပြုံးကာဆိုလိုက်၏။
"သခင်ရုန် ပြောတာမှန်တယ်၊
ပြီးတော့ ဒီလှည့်ကွက်တွေအကုန်လုံးကို ကျွန်တော် သိဖို့မလိုပါဘူး ""မင်း တဖြည်းဖြည်းနဲ့သိလာပါလိမ့်မယ် "
ရုန်ပိုင်၏အသံက အတည်ပြုပြောဆိုနေသည်နှင့် ပိုတူ၏။
သူခေါင်းငြိမ့်ပြလိုက်ကာ ဘာစကားမှထပ်မဆိုဖြစ်။
ရထားလုံးတွင်း၌ တိတ်ဆိတ်မှုက ထပ်မံကြီးစိုးသွားပြန်သည်။သူတို့နှစ်ဦး ဖုန်းအိမ်တော်သို့ ပြန်လာခဲ့ကြပြီး
ဖုန်းချန်းယွဲ့က ပင်မခန်းမဆောင်တွင် သူတို့အား စိုးရိမ်တကြီးစောင့်ဆိုင်းနေသည်။ လုလင်လေးနှစ်ယောက်ကို မြင်သည်နှင့် သူက အမောတကောပြေးလာသည်။"အသင်တို့ လေ့လာစစ်ဆေးကြတာ ဘယ်လိုရှိလဲ၊
ချိုးအာကရော ဘာဖြစ်တာတဲ့လဲ "ဖုန်းချန်းယွဲ့ကို မျက်နှာချင်းဆိုင်လိုက်ရသည်နှင့် မတိုင်ခင်ကသူမြင်ခဲ့ရသည့် ပုံရိပ်ယောင်များက အတွေးထဲပြန်ပေါ်လာသည်။ သူ့မျက်ခုံးများ တွန့်ကွေးပြီး မျက်မှောင်ကြုတ်သွားသည်။ သူ့လေသံကတောင် ကြမ်းရှနေပေလိမ့်မည်။
"ဘာဖြစ်ရမှာလဲ၊ လွန်ခဲ့တဲ့ဆယ်စုနှစ်က ခင်ဗျားရဲ့ လူမဆန်တဲ့ အပြစ်ကြွေးတွေလေ "
ဖုန်းချန်းယွဲ့မှာ စုန့်ချီ၏လေသံက ဤမျှလောက် ထက်ရှနေလိမ့်မည်ဟု မထင်ထားခဲ့ချေ။ သူက တစ်ခဏလောက် ကြောင်အမ်းသွားပြီး အရှက်ရစွာဖြင့်ဆိုလာသည်။
" တောက်ကျန် ဘာကိုဆိုလိုချင်တာလဲမသိဘူး "
စုန့်ချီ နှာမှုတ်လိုက်သည်။
" တခြားဘာဖြစ်ရဦးမှာလဲ၊ လွန်ခဲ့တဲ့ဆယ်စုနှစ်က
စန်းချီထိုင်ပြဇာတ်ရုံရဲ့ ကျန်းနျန်ဇီကို ခင်ဗျားမှတ်မိသေးရဲ့လား "
YOU ARE READING
FOX DEMON CULTIVATION MANUAL
Romance[FDCM] 【2nd book of a Trilogy】 It's just a fan translation. I don't own anything of this story. Full credit to original author Feng Ge Qie Xing & English translator Lianyin. - အင်္ဂလိပ်ဘာသာပြန်ဆိုသူထံမှ ခွင့်ပြုချက်ရရှိထားပြီး -