အကယ်၍ ချင်ယွိသာ အထုပ်လေးပိုက်လျက် တပ်ခေါက်ပြန်သွားမည်ဆိုပါက မိစ္ဆာဘုရင်ကိုသေချာပေါက်တွေ့နိုင်တော့မည်မဟုတ်ပေ။ ထို့ကြောင့်ပင် သူမသည် သူမအားအဖတ်မလုပ်ကြသည့် ယောက်ျားပျိုနှစ်ဦးနောက်မှ ငြိမ်ငြိမ်ဆိမ်ဆိမ်လေးလိုက်လာကာ သူမ တစ်ခါမျှမရောက်ဖူးသော မိစ္ဆာလောက၏ ရှုခင်းများကို လှည့်ပတ်ကြည့်ရှုနေတော့သည်။
သုံးယောက်သား လမ်းမပေါ်တွင် ရည်ရွယ်ချက်မရှိ ယောင်လည်လည်ဖြင့် လျှောက်လည်နေကြစဉ် လူနှစ်ယောက်က ဒရောသောပါးပြေးလာကြသည်။
" မြန်မြန်၊ စတောင်စနေလောက်ပြီ! "
ထိုနှစ်ယောက်ထဲမှ တစ်ယောက်က စုန့်ချီ၏ပုခုံးကိုဝင်တိုက်သွားပြီး စုန့်ချီလက်ထဲမှ ကောက်ညှင်းကျည်တောက်မုန့်လေးက အောက်ပြုတ်ကျသွားသည်။ မုန့်လေးက မြေကြီးပေါ်ပြုတ်ကျသွားပြီး ဖုန်များပေသလူးကာ စားလိုမရတော့ချေ။
စုန့်ချီသည် တစ်ခါဏကြာသည်ထိ ကြောင်အမ်းအမ်းဖြစ်နေပြီးနောက်မှ ကောက်ညှင်းကျည်တောင်မုန့်လေးကို ငုံကြည့်လိုက်သည်။ သူ သက်ပြင်းချလိုက်၏။
"အာ ဆိုးတာပဲ၊ ကျွန်တော် တစ်ကိုက်ပဲကိုက်လိုက်ရသေးတယ်၊ နှမြောလိုက်တာ! "
သူ့ကို တိုက်ချသွားသည့် ထိုလူက သူ့စကားကိုကြားသွားပြီး နောက်ပြန်လှည့်လာကာ တောင်းပန်လျက် အလျော်အစားပြန်ပေးလာသည်။
" ဒီကအဆွေလေး..ကျုပ်တောင်းပန်ပါတယ်၊ နောက်တစ်ခုထပ်ဝယ်လိုက်ပါ။ ကျုပ်တို့အလျင်လိုနေ...."
စုန့်ချီသည် ကမ်းလာသည့် အလျော်အစားငွေကို လက်ခံမည်မပြုဘဲ ထိုလူ၏လက်ကိုဆွဲလိုက်သည်။
"ခင်ဗျားတို့ ခုနက ဘာအကြောင်းပြောနေကြတာလဲ"
စုန့်ချီ သူတို့ထံမှ ပျော်ရွှင်စရာအငွေ့အသက်ကို ခံစားမိနေသည်။
" မြို့တော်အကြီးအကဲဟွားကိ်ုယ်တိုင် ဦးစီးကျင်းပတဲ့ လေလံပွဲလေ..လေလံပွဲက ပစ္စည်းမှန်သမျှက အတော်လေးရှားရှားပါးပါးမို့လို့ ကျုပ်တို့တွေ သွားကြည့်ကြမလို့ပါ "
YOU ARE READING
FOX DEMON CULTIVATION MANUAL
Romance[FDCM] 【2nd book of a Trilogy】 It's just a fan translation. I don't own anything of this story. Full credit to original author Feng Ge Qie Xing & English translator Lianyin. - အင်္ဂလိပ်ဘာသာပြန်ဆိုသူထံမှ ခွင့်ပြုချက်ရရှိထားပြီး -