I'm in love with you (COMPLETE ✅)

CHAPTER 16

[Aestherielle’s POV]

“Nakapagpaalam na ako kay Mommy na mag-o-overnight sa inyo bukas, Aestherielle.” Ava

Bukas na pala ang birthday ko at balak namin na after ng dinner ay magmo-movie marathon kami at pwede naman daw kaming uminom ng wine or mga light drinks. Pumayag naman si daddy as long as walang may lalabas sa’min ng bahay.

“Ako rin.” Waffle and Neptune said in unison.

15 minutes late na ang first sub namin kaya malaya kaming makipagchikahan.

“Ikaw Anne? Nakapagpaalam ka na ba?”

“Hmm… Wala pa pero magsisipag ako mamaya para payagan so pray for me ah?”

Natawa na lang kami sa sinabi niya pero nagtaka ako nang bigla silang tumahimik at napako lang sa isang direksiyon ang tingin nila.

Kunot-noong lumingon ako at muntik na akong mag-palpitate nang parang slow motion na pumasok si Khirro sa room. Medyo basa pa ang buhok nito at mas lumakas ang tibok ng puso ko ng sinuklay niya ang buhok niya gamit ang kamay. Dalawang araw siyang hindi pumasok at ngayon I’m sure na magaling na siya.

Bakit biglang ang gwapo niya sa paningin ko?

My eyes widened when he stopped in front of me and he handed me a pink box.

Nanginginig ang kamay na inabot ko ito at hindi na ako nakapagpasalamat nang umupo na agad siya sa upuan niya.

Rinig ko ang impit na tili ng mga kaklase ko at nagsi-iwas sila ng tingin ng tiningnan ko sila.

“Buksan mo na!”

Waffle whispered at may kasama pang sundot sa tagiliran. Mas excited pa sila sa’kin.

Inalis ko ang pagkakabuhol ng white ribbon at binasa ang nakasulat sa card. Simpleng ‘Thank You’ ang nakasulat. Simple lang pero sobra ang pagpipigil ko na huwag ngumiti .

Pag-alis ko ng takip bumungad sa’kin ang anim na cupcake na may iba’t-ibang kulay ng icing.

“Mapapa-sana all na lang talaga kami. Magpasalamat ka naman gurl!” Anne

Ang atat nila ah? ‘Di ba nila alam na humahakot pa ako ng lakas ng loob?

Nahihiyang hinarap ko si Khirro na nakaharap na pala sa’kin. Madali akong atakehin sa taong ‘to!

“Thank you pala dito.”

“Welcome”

“Ahm… O-Okay ka na ba? Hindi ka na nilalagnat?”

“No. Mom took good care of me.”

“Mabuti naman. Kamusta na pala si tita Avii at tito Khairro? Na-miss ko na sila lalo na si tita.”

“They’re doing good.”

Muntik na akong mapatili nang biglang sinundot ako ni Ava sa bewang.

“Anong problema mo?”

Hinila niya ang tenga ko sabay bulong.

“Invite mo siya sa birthday mo!”

Nailayo ko pa ang tenga ko dahil parang ‘di naman bulong ginawa niya eh.

“Nahihiya ako eh!” ganting bulong ko.