Healing Love 🍁
Part-26
မောင်းနေတဲ့ ကားက ရုံးကို ဦးတည်နေပေမယ့် လက်ထဲက ဖုန်းကတော့ Seoul University က ရှေးဟောင်းသုတေသနမေဂျာ ဌာနဆီ။ tutorial ဖြေရမယ်ဆိုတာ သိနေတော့ လိုက်သွားရင်ရော ကျောင်းမှာ တွေ့ရမှာတဲ့လား။
" ဟုတ်ကဲ့ ... seoul တက္ကသိုလ်ကပါရှင် "
" ဟုတ်ကဲ့ခင်ဗျ ... မေးစရာလေး ရှိလို့ပါ "
' ဟုတ်ကဲ့...ဘာများကူညီပေးရမလဲရှင့် "
" ရှေးဟောင်းသုတေသနဘက်က ကလေးတွေ tutorial ဖြေနေချိန်လားခင်ဗျ "
" ဟုတ်ပါတယ်ရှင်.... ၉ နာရီကနေ ၉ နာရီ မိနစ် ၅၀ အထိပါ "
" ဟုတ်ကဲ့...ကျေးဇူးတင်ပါတယ်ခင်ဗျ "
ဖုန်းပြန်ချပြီး ဘာဆက်လုပ်ရမလဲ စဥ်းစားရသည်၊ အခုချိန်လိုက်သွားဖို့ကလည်း အလုပ်တွေရှိနေတာမို့ အဆင်မပြေပါ။ ကောင်လေးက သူ့ကို ဘာများစိတ်ဆိုးသွားတာလဲ။
ရုံးရောက်တော့ အစ်မက ကြိုရောက်နေ၏။
ကိုယ့်ကို မြင်တော့ ပြုံးပြပေမယ့် ဒီအပြုံးက တစ်ခုခုဆိုတာလည်း ကိုယ်သိလိုက်သည်။
" ရောက်ပြီလား ငါ့မောင် "
" ဟုတ် အစ်မ "
နေရာမှာ ဝင်မထိုင်သေးဘဲ...
" အစ်မ ~~ "
" ဟေ...အေး ပြောလေ ငါ့မောင် "
" ကောင်လေးဆီက တစ်ခုခုများ ကြားမိသေးလား "
သူ မဝံ့မရဲမေးတော့ အစ်မက သူ့ကို အထူးအဆန်း ပြန်ကြည့်လာသည်။ ထို့နောက် ....
" ဟင့်အင်း ... မကြားမိဘူး ငါ့မောင် ဘာလို့လဲ "
" ဘာ..ဘာမှမဟုတ်တော့ပါဘူး "
ဆက်မမေးတော့ဘဲ သူ့ခုံမှာ ဝင်ထိုင်ဖို့ လုပ်တဲ့အခါ..
" ဒါနဲ့ ငါ့မောင် ... "
" ဗျာ "
" ငါ့မောင် မလာခင်က ရှေ့နေတစ်ယောက်နဲ့ လူကြီးတစ်ယောက် လာရှာသွားတယ် , ငါ့မောင် မရောက်သေးဘူးပြောလိုက်တော့ ခဏနေ ပြန်လာခဲ့ပါမယ်တဲ့ "
ဆိုဟီးအဖေနဲ့ မနေ့က ရှေ့နေမှ ဟုတ်ပါလေစ ။
" ဟုတ် အစ်မ ... တကယ်လို့ သူတို့လာရင် ကျွန်တော် အစည်းအဝေးအခန်း ခဏသုံးမယ်နော် "
