မင်းရဲကျော်ထင် ဆင်တော်နဲ့ဆင်ဖမ်းသမားများကို အကဲခတ်နေသည်။ဖျင်ကြမ်းအဝတ်အထည်နှင့်ဆင်ဖမ်းပေးသည့်လုလင်ပျိုသုံးယောက်က ရိုရိုကျိုးကျိုး ဦးညွှတ်နေကြသည်။မင်းရဲကျော်ထင် ပြည်မြို့အနီးတွင်ဆင်ဖြူတော်ပေါ်သည် သတင်းရ၍ လာဖမ်းရာပြည်မြို့ရောက်တာနှင့်လုလင်ပျိုသုံးယောက်က ဆင်တော်ကိုလက်ရဖမ်းပြီး မင်းရဲကျော်ထင်ကိုဆက်သသည်။လုလင်ပျိုသုံးယောက်က ငယ်ရွယ်ပြီးလျင်မြန်သွက်လက်ပုံပေါ်သည်။
မင်းရဲကျော်ထင်ပြုံးလိုက်သည်။
'ဆင်တော်လည်းရ လူတော်လည်းရ ယနေ့တော့ကံကောင်းချက်'
မင်းရဲကျော်ထင် ထိုလူသုံးယောက်ထဲမှထူးခြားသော ကိုယ်ရှိန်ဝါရှိသည့်လုလင်ပျိုကိုမေးသည်။
"အဆွေတို့နာမည်ဘယ်လိုခေါ်သလဲ"
"ကျွန်တော်မျိုးက သတိုးပါ ဒီဘက်ကနှစ်ယောက်က သူရနဲ့သူရိန်ပါ"
လုလင်ပျိုကစိုးရွံ့ဟန်မရှိ။ရဲရင့်တည်ကြည်သည့်မျက်နှာပေါက်ရှိလေသည်။မင်းရဲကျော်ထင်သဘောကျသွားသည်။
"ကောင်းပြီ အဆွေတို့ ကိုယ်တော်နဲ့နန်းတော်လိုက်ခဲ့ ဆင်တော်ထိန်းရာထူးသူကောင်းပြုမယ်"
"ကျေးဇူးကြီးမားလှပါတယ် အရှင့်သား"
မင်းရဲကျော်ထင် ဆင်တော်အနားကိုသွားကာအကဲခတ်သည်။ဆင်တော်က ကြင်အင်လက္ခဏာကောင်းသည်။တောတွင်းဆင်နှင့်တော့မတူဘူးလို့ ထင်မိသည်။ဆင်ကထူးထူးခြားခြား အညိုရောင်သန်းသည်။အလုံးအရပ်က စစ်ထွက်ရာတွင်သုံးရန် အသင့်တော်ဆုံးဆင်မျိုးဖြစ်သည်။မင်းရဲကျော်ထင် သဘောကျကာနန်းတော်ကိုဆောင်ယူသွားလေသည်။
အင်းဝမြို့ တန်ခူးနေက ပူပြင်းလွန်းပါသည်။
ဟံသာဝတီပဲခူးနေပြည်တော်ထက်ကို သိသိသာသာပူသည်။နန်းမြို့ရိုးတစ်လျှောက်တွင် အနီရောင်တံခွန်အလံများကို မြင်နိုင်သည်။လှံရှည်ကိုင်ဆောင်ထားသည့် ကင်းတပ်တွေဟာလည်း
အရပ်လေးမျက်နှာ နန်းတော်မုခ်ဦးတွေတွင်အပြည့်။မင်းရဲကျော်ထင်ကိုမြင်ကြတော့ အစောင့်တပ်တွေကအရိုအသေပေးကာ နန်းတော်မုခ်တံခါးကိုဖွင့်ပေးသည်။
YOU ARE READING
ချစ်သောပြည့်ရှင်မင်း(Completed)
Historical Fictionစစ်နတ်ဘုရားဟံသာဝတီအိမ်ရှေ့မင်းက အင်းဝနန်းတွင်းမာသူလျှိုလုပ်ရင်း အင်းဝမင်းသားငယ်လေးကိုကာကွယ်ချင်လာတဲ့အခါ နောင်တော်တစ်ပါးရဲ့သစ္စာဖောက်မှုကြောင့် အင်းဝမင်းသားငယ်လေးကဟံသာဝတီကိုရောက်သွားရရှာပါတယ် သူတို့နှစ်ဦးကံကြမ္မာတွေကိုဘယ်လိုဖြတ်ကျော်ပြီးစစ်မှန်တဲ့ပြ...
