နန်းစောရှင် စာလေးကိုဘယ်အကြိမ်မြောက်မှန်းမသိအောင်ပင် ဖွင့်ဖတ်နေမိသည်။စာထဲတွင်ပါဝင်သည့်စာလုံးတိုင်းက နန်းစောရှင်ရင်ကို ထိုးဖောက်နေပြီး ဒေါသတရားတို့ဆူဝေစေသည်။
မရီးတော်နန်းဒေဝီထိပ်ခေါင်မှ စာလွှာပါးသည်မှာ
/မတ်တော်နန်းစောရှင် မရီးတော်မှာ အင်းဝရှင်ဘုရင်နဲ့သင့်တဲ့နှုတ်ငုံတော် ရှိနေပါတယ်။ဒါကြောင့် နောက်သုံးနှစ်အချိန် တပေါင်းလရောက်ချိန်မှ မရီးတော်အင်းဝကိုစွန့်ခွာပြီး ကမ္ဘောဇတိုင်း မောပြည်ကို ပြေးနိုင်လိမ့်မယ်။မတ်တော်ရဲ့စာလွှာမှာ ပါတဲ့အကြောင်းအရာများအတိုင်း မရီးတော် ယခုချိန်ထဲက မောပြည်စော်ဘွားများကို စုစည်းထားပါ့မယ်။မရီးတော်နေကောင်း ကျန်းမာပါတယ်။သားတော်မင်းရဲထွဋ်လည်း နေကောင်း ကျန်းမာပါတယ်။မတ်တော် ကျန်းမာရေးဂရုစိုက်ပါ။နောက်သုံးနှစ်အချိန် တပေါင်းလတွင် ဟံသာဝတီနန်းတွင်းမှ ထွက်ခွာနိုင်ရန် ကြိုးစားပါ။/
မရီးတော်တွင် မင်းရဲဗလရဲ့ရင်သွေး ရှိနေသည်။
ဒါကြောင့်အစီအစဉ်တွေက ကြန့်ကြာသွားရပြီ။သို့သော်လည်း နန်းစောရှင်ရဲ့အင်းဝကို သိမ်းပိုက်မည့်အစီအစဉ်ဥပါယ်ကိုကား ရုတ်သိမ်းလိမ့်မည်မဟုတ်။မင်းရဲဗလကိုသေဆုံးခြင်းကိုပင် တောင့်တရလောက်သည်အထိ နင်းခြေပစ်မည်။ယခုချိန်တွင် နောင်တော်ကြီးမင်းရဲကျော်ထင်ရဲ့သားတော်ဖြစ်သည့်မင်းရဲထွဋ်က နန်းစောရှင်အတွက် တစ်ဦးတည်းသောသွေးရင်းဖြစ်ချေပြီ။နောင်တော်တွေအတွက်၊တူတော်လေးအတွက်၊မရီးတော်အတွက် ထို့ထက် နန်းစောရှင်ကိုယ်တိုင်အတွက် အင်းဝကိုသိမ်းပိုက်ရပေလိမ့်မည်။
နန်းစောရှင် စာလွှာထဲတွင် ပါရှိသည့်အကြောင်းအရာများကို နောက်ဆုံးအကြိမ် အဖြစ် ဖွင့်ဖတ်လိုက်ပြီး စာလွှာကို ညအမှောင်ကိုခွင်းကာ အလင်းပေးနေသည့်ကညင်ဆီမီးထံ တို့လိုက်ကာ လောင်ကျွမ်းစေလိုက်သည်။ပေစာလိပ်လေးက ပြာအဖြစ်ပြောင်းသွားပြီး ပျောက်ကွယ်သွားလေသည်။
ကြယ်စုံသည့်ညတွင် စောင်းသံလေးကနန်းစောရှင်အိပ်ဆောင်ရှေ့မှ ပေါ်ထွက်လာသည်။စောင်းသံက လွန်စွာဆိုးဝါးပြီး ကြားရသူအပေါင်းကို အိပ်မက်ထဲအထိ ခြောက်လှန့်နိုင်လိမ့်မည်။နန်းစောရှင် သည်လောက်ဆိုးရွားသည့်စောင်းသံပိုင်ရှင်က ဘယ်သူလဲဆိုတာသိဖို့ အိပ်ဆောင်တံခါးကိုဖွင့်ကာ အပြင်ထွက်လိုက်သည်။
YOU ARE READING
ချစ်သောပြည့်ရှင်မင်း(Completed)
Historical Fictionစစ်နတ်ဘုရားဟံသာဝတီအိမ်ရှေ့မင်းက အင်းဝနန်းတွင်းမာသူလျှိုလုပ်ရင်း အင်းဝမင်းသားငယ်လေးကိုကာကွယ်ချင်လာတဲ့အခါ နောင်တော်တစ်ပါးရဲ့သစ္စာဖောက်မှုကြောင့် အင်းဝမင်းသားငယ်လေးကဟံသာဝတီကိုရောက်သွားရရှာပါတယ် သူတို့နှစ်ဦးကံကြမ္မာတွေကိုဘယ်လိုဖြတ်ကျော်ပြီးစစ်မှန်တဲ့ပြ...
