နန်းစောရှင်ရဲ့ကျောပြင်တွင် ပုရွက်ဆိတ်အကောင်ထောင်ပေါင်းများစွာ လျှောက်သွားနေသလို တရွရွ။မိုးမရွာမှီ ပူလောင်အိုက်စပ်နေခြင်းက နန်းစောရှင်အတွက် သက်တောင့်သက်သာမရှိ။အိပ်ချင်စိတ်က ကြီးစိုးနေတာကြောင့် နန်းစောရှင် မျက်လုံးမဖွင့်ဘဲ ကျောပြင်ကိုအသာ လှမ်းကုတ်လိုက်သည်။
ဗညားသတိုး နန်းစောရှင်ရဲ့လှုပ်ရှားမှုကြောင့် ဆတ်ခနဲ နိုးလာသည်။ဗညားသတိုး နန်းစောရှင်ရဲ့နှဖူးကို စမ်းလိုက်သည်။နန်းစောရှင်ရဲ့ကေသာက ချွေးတို့ဖြင့် စိုစွတ်နေသည်။
"အိုက်လေလို့လား အမောင့်အချစ်"
"အင်း ကျောကယားလို့"
"အင်းအင်း"
ဗညားသတိုး နန်းစောရှင်ရဲ့ကိုယ်ဝတ်အင်္ကျီအောက် လက်လျှိုဝင်လိုက်သည်။လက်ဖဝါးမှတဆင့် ခံစားမိသည့်အဖုသေးသေးလေးတွေက ဗညားသတိုးအတွက် စိတ်မချမ်းသာစရာ။
"မိတ်တွေ ပေါက်တာထင်တယ်"
"အင်း"
ဗညားသတိုး ထကာယပ်တောင်တစ်ချောင်းကို ယူလိုက်ပြီး အသာအယာခတ်လိုက်သည်။
"အမောင့်အချစ် အိပ်အိပ် အမောင်ပွတ်ပေးမယ်"
"အင်း"
ဗညားသတိုး ညာလက်က ယပ်ခတ်ကာ ဘယ်လက်က နန်းစောရှင်ရဲ့အင်္ကျီအောက် လက်လျှိုဝင်ပြီး ကျောပြင်ကို အသာအယာပွတ်ပေးသည်။အေးမြမြယပ်လေနှင့် ယားယံမှုကသက်သာသွားတာကြောင့် နန်းစောရှင် အိပ်တစ်ဝက်နိုးတစ်ဝက် အခြေအနေဖြင့် အိပ်ပျော်သွားလေသည်။
တစ်ချက်တစ်ချက်နိုးလာတိုင်းလည်း ယပ်လေအေးကို နန်းစောရှင် ခံစားရနေလျက်။
နံနက်စောစောအချိန်တွင် နန်းစောရှင် နိုးလာ၏။အိပ်ယာထဲတွင်တော့ ဗညားသတိုးကို မတွေ့ရ။နန်းစောရှင် ကိုယ်ပေါ်ခြုံထားသည့်ချည်စောင်လေးကို ခေါက်ပြီးအိမ်အောက်ဆင်းလာသည်။အိမ်ရှေ့ကံ့ကော်ပင်ကြီးအောက် ကွပ်ပျစ်ပေါ်တွင် ဗညားသတိုးကိုတွေ့ရသည်။
ဗညားသတိုးက သနပ်ခါးသွေးနေလေသည်။နန်းစောရှင် ဗညားသတိုးကိုမြင်မှပြုံးကာ ဗညားသတိုးထံ လျှောက်သွားပြီး ကွပ်ပျစ်ပေါ်ထိုင်လိုက်သည်။
YOU ARE READING
ချစ်သောပြည့်ရှင်မင်း(Completed)
Historical Fictionစစ်နတ်ဘုရားဟံသာဝတီအိမ်ရှေ့မင်းက အင်းဝနန်းတွင်းမာသူလျှိုလုပ်ရင်း အင်းဝမင်းသားငယ်လေးကိုကာကွယ်ချင်လာတဲ့အခါ နောင်တော်တစ်ပါးရဲ့သစ္စာဖောက်မှုကြောင့် အင်းဝမင်းသားငယ်လေးကဟံသာဝတီကိုရောက်သွားရရှာပါတယ် သူတို့နှစ်ဦးကံကြမ္မာတွေကိုဘယ်လိုဖြတ်ကျော်ပြီးစစ်မှန်တဲ့ပြ...
