ယနေ့ဟံသာဝတီနန်းတော်ရဲ့နံနက်ခင်းညီလာခံက ထူးထူးခြားခြား တိတ်ဆိတ်နေသည်။ခမည်းတော်မင်းကြီးရဲ့မျက်နှာက တည်တင်းနေပြီး လေထုက အေးစက်နေသည်။သက်တော်ရှည်မှူးကြီးမတ်ရာများနှင့်စစ်သူကြီးတချို့ကလည်း ဟံသာဝတီမင်းကြီးရဲ့ခက်ထန်သည့်မျက်နှာထားကြောင့် အသက်တောင်မရှူဝင့်ကြပေ။
"သားတော်အိမ်ရှေ့မင်း"
ဟံသာဝတီပြည့်ရှင်မင်းကြီးရဲ့အသံက အေးစက်နေကာ ဒေါသရိပ်စွန်းထင်းနေသည်။ဗညားသတိုး နားမလည်နိုင်ဖြစ်ရသည်။
"မှန်ပါ ခမည်းတော်"
"မင်း နှမဝမ်းကွဲတလမေနန်းမင်းသမီးနဲ့ အမြန်ဆုံး လက်ဆက်ရမယ်"
"မဖြစ်နိုင်ပါဘူး ခမည်းတော်"
ဗညားသတိုးရဲ့လေသံက တည်ငြိမ်ပြတ်သားနေသည်။ဗညားငယ်မင်းသား၊သမိန်သူရိန်နှင့်သမိန်သူရလည်း လှုပ်လှုပ်ရှားရှားဖြစ်သွားသည်။ဟံသာဝတီပြည့်ရှင်မင်းကြီး ဒေါသတွေဆူဝေပေါက်ကွဲလာကာ လေသံမြှင့်လိုက်သည်။
"ဘာလို့လဲ"
"နှမမေနန်းက စစ်သေနာပတိတပ်မင်းသမိန်သူရနဲ့ ရည်ငံနေပါတယ် ချစ်ခြင်းကိုခွဲတာဟာ ကြီးမားတဲ့အပြစ်ပေဘဲမို့ သားတော်လက်မခံနိုင်ပါဘူး"
"တယ် သမိန်သူရ"
သမိန်သူရ အိမ်ရှေ့မင်းကို ကြည့်ပြီး သတ္တိကိုစုစည်းကာ ဒူးထောက်လိုက်သည်။ဘာကြောင့်ရယ်မသိ။တလမေနန်းနှင့်မိမိ ချစ်သူသမီးရည်းစားဖြစ်အောင် အိမ်ရှေ့မင်းကကြံရွယ်ခဲ့တယ်လို့ အတွေးရောက်မိသည်။
"မှန်ပါ အရှင်မင်းကြီး"
"အိမ်ရှေ့မင်း ပြောတာအမှန်ပေလား"
"သည်ကျွန်က မဝံ့ရဲပေမယ့် အိမ်ရှေ့မင်းက မှန်သောစကားကိုသာဆိုလေတာပါ"
"တိတ်စမ်း"
ဟံသာဝတီပြည့်ရှင်မင်းကြီးက ပလ္လင်ပေါ်မှ ဆင်းလိုက်သည်။မိမိရဲ့သားတော်က ယောကျာ်းသားတစ်ဦးနှင့် မသင့်တော်ရာ မေတ္တာသက်ဝင်လေပါတယ်ဆို သမီးတော်တစ်ဦးလို တန်ဖိုးထားချစ်ခင်ရသည့် တလမေနန်းမင်းသမီးကလည်း ဆိုင်သူရှိနေသည်။ဆိုင်သူတပ်မင်းသမိန်သူရကလည်း ရဲစွမ်းသတ္တိရှိသည့်ဟံသာဝတီရဲ့စစ်သူရဲကောင်း ဖြစ်နေသည်။သားတော်အိမ်ရှေ့မင်းနှင့်တလမေနန်းမင်းသမီးတို့ကို တွန်းအားပေးနိုင်ဖို့ရာ အခွင့်အရေးမရှိ။
YOU ARE READING
ချစ်သောပြည့်ရှင်မင်း(Completed)
Historical Fictionစစ်နတ်ဘုရားဟံသာဝတီအိမ်ရှေ့မင်းက အင်းဝနန်းတွင်းမာသူလျှိုလုပ်ရင်း အင်းဝမင်းသားငယ်လေးကိုကာကွယ်ချင်လာတဲ့အခါ နောင်တော်တစ်ပါးရဲ့သစ္စာဖောက်မှုကြောင့် အင်းဝမင်းသားငယ်လေးကဟံသာဝတီကိုရောက်သွားရရှာပါတယ် သူတို့နှစ်ဦးကံကြမ္မာတွေကိုဘယ်လိုဖြတ်ကျော်ပြီးစစ်မှန်တဲ့ပြ...
