"လာ စက်ဘီးပေါ်တက်"
"ဘယ်သွားမို့လဲ"
"တစ်နေရာရာပေါ့"
ခွန်ပြည့်ကစိတ်မရှည်စွာ လေပြေရဲ့လွယ်အိတ်ကိုဖြုတ်ယူရန်ကြိုးစားတော့ လေပြေကပြန်ဆွဲထားရင်းမှ
"ငါ့အမေကိုမပြောရသေးဘူးလေ"
"မင်းအဖေပြောလိုက်မယ်.. ငါပြောခဲ့တယ်။ လာကွာ တက်စမ်းပါ မင်းအဆူမခံရစေဘူး.. ပြီးတော့ငါမင်းကိုမရောင်းစားဘူး လာ"
လွယ်အိတ်ကိုဆွဲယူရင်း ခြင်းထဲထည့်ကာ လက်တစ်ဖက်ကိုလှမ်းဆွဲပြီး သူ့စက်ဘီးနားစောင့်ဆွဲလိုက်မှ သူ့နောက်ကျောဘက်သိုယို့ယို့လေး၀င်ထိုင်၏။
"အဖေကဘာတဲ့လဲ.. မင်းဘယ်လိုပြောခဲ့တာလဲ"
"အချိန်ပိုလို့မင်းအမေကိုပြောပေးမယ်တဲ့.. ငါ့မွေးနေ့မို့သူငယ်ချင်းတွေစုပြီးမုန့်စားမယ်လို့ပြောခဲ့တာ"
"ဟမ်.. ဒီနေ့မင်းမွေးနေ့လား"
"မဟုတ်ပါဘူးကွာ.. မင်းကိုခေါ်လို့ရအောင် လိမ်ခဲ့တာ။ ငါ့မွေးနေ့ကသုံးလပိုင်းထဲမှာ ပြီးတာကြာပေါ့"
ကျွီ..။
"အာ့"
"နာသွားလား.. ကလေးကဖြတ်ပြေး၀င်လာလို့ကွာ"
စက်ဘီးကိုအမြန်ရပ်လိုက်တာမို့ မိမိကျောကိုခေါင်းနှင့်လာတိုက်မိသွားတဲ့လေပြေ့ကြောင့် ပြန်လှည့်ကြည့်ပြီးပြောမိတော့ခေါင်းလေးကိုပြန်ပွတ်နေရင်းမှ သူ့ကိုမော့ကြည့်ရင်း
"မင်းကျောရော.."
သူ့ကျောကိုလာရောက်ထိတွေ့တဲ့လက်သေးသေးလေးတွေ.. သူစိတ်လွတ်ရင်း လုပ်မိလုပ်ရာ လက်သေးသေးလေးတစ်ဖက်ကိုယူရင်း သူ့ခါးရှေ့ကိုဖက်ခိုင်းလိုက်မိ၏။
"သေချာဖက်ထား.. နောက်တခါငါကျောအနာမခံချင်ဘူး"
"ဟင်.. အင်း အင်း"
သူ့ခါးရှေ့မှလက်လေးကိုပြန်ရုတ်လိုက်ပေမဲ့ လက်လေးနှစ်ဖက်လုံးကသူ့အင်္ကျီခါးစလေးနှစ်ဖက်ကို တင်းတင်းလေးလာဆုပ်ကိုင်တာမို့ သူပြုံးလိုက်မိ၏။
သူ့စက်ဘီးနောက်ခုံပေါ်စီးပြီး သူ့ခါးကိုဖက်ခဲ့ကြတဲ့ဘယ်မိန်းကလေးအတွက်မှ သူမပြုံးခဲ့ဖူးချေ။ ဤအပြုံးသည် လေပြေ့ဆိုသောလူသားလေးကြောင့် ပထမဆုံးဖြစ်တည်၏။
YOU ARE READING
မောင့်လေပြေ (Completed)
Romanceကျောင်းစိမ်းဘဝကနေ အရွယ်ရောက်လာတဲ့အထိ ပြဿနာတွေကြားထဲကနေ မြဲမြဲမြံမြံချစ်သွားကြတဲ့ကောင်လေးနှစ်ယောက်ကြားက နွေးထွေးတဲ့ရပ်ဝန်းငယ်လေးအကြောင်း... ပြီးတော့ ထားရာနေ၊ စေရာသွားပြီး သိပ်ချစ်တတ်တဲ့ ဒုတိယလူကောင်လေးရဲ့တဖက်သတ်အချစ်တွေအကြောင်းပေါ့ 🤍 #Unicode ေက်ာင္...
