နေ၀န်းရဲ့အပူရှိန်သည် ကျောင်းရဲ့ကွင်းပြင်ပေါ်သို့ အတားအစီးမဲ့ကျဆင်းနေခဲ့လျက်..။ ကျောင်းဆင်းချိန်ဖြစ်၍ ကျောင်းပတ်၀န်းချင်တွင် အတန်းကြီးရော၊ အတန်းငယ်ရော ရောယှက်ရှုပ်ထွေးနေခဲ့၏။
သူတို့အတန်းကြီးတွေအကုန်ကျောင်းဆင်းပြီးကာမှ အတန်းငယ်တွေက၀င်ကြရသည်။ အောင်ကျော်ကစက်ဘီးတွန်းရင်းလိုက်ပါလာပေမဲ့ ဘုန်းခန့်ကတော့စက်ဘီးပါမလာ.. စက်ဘီးမရှိ၍မဟုတ်ဘဲ လေပြေ့ကိုအားနာသောကြောင့်ဖြစ်သည်။
"သဘက်ခါ စာမေးပွဲနော်"
"အေးလေ မင်းပြောနေတာဒီနေ့နဲ့တင် ၁၀၈ခေါက်ရှိပြီ.. တော်တော်ပျော်နေလား"
"မဟုတ်ဘူး ကြောက်လို့"
"ထင်ပါတယ်"
အောင်ကျော်က ဘုန်းခန့်ကိုကြည့်ရင်း မဲ့ရွဲ့ကာဆို၏။ ဘုန်းခန့်ကသွားလေးဖြီးရင်းရယ်ပြတော့အောင်ကျော်ကမျက်နှာလွှဲသွားသည်။
"လေပြေ ခဏ"
လှုပ်ယမ်းနေမိတဲ့သူ့ရဲ့ဘယ်လက်လေးကိုလှမ်းဆွဲသောလူအားပြန်ကြည့်မိတော့ခွန်ပြည့်..။
"ဘာဖြစ်လို့လဲ"
"ပြောစရာရှိလို့"
"ဟမ်"
"အေး အေး ငါတို့သွားနှင့်မယ်ကွာ"
ခွန်ပြည့်ကအောင်ကျော့်ကိုမေးဆတ်ရင်းအချက်ပြတာမို့ အောင်ကျော်ကဘာမသိ၊ ညာမသိနဲ့ပင် ဘုန်းခန့်ကိုသိုင်းဖက်ရင်းထွက်သွား၏။ ပုံစံကြည့်ရတာတော့ ရန်ဖြစ်မဲ့ပုံမပေါ်တာမို့ စိတ်ချလက်ချထားခဲ့မိသည်။
သူတို့နားကဆရာမတစ်ယောက်ဖြတ်သွားတာမို့ လှမ်းနှုတ်ဆက်လိုက်ပြီးမှ
"ဘာဖြစ်လို့လဲ"
"၁၀တန်းကလူနဲ့မင်းက တော်တော်ခင်လား"
"အင်း"
နှစ်ယောက်တူတူတဖြည်းဖြည်းချင်းတွဲလျှောက်လာမိတော့ မိန်းကလေးတွေကကွက်ကြည့်၊ ကွက်ကြည့်။ သူတို့နှစ်ယောက်ကိုကြည့်တယ် လို့ဆိုခြင်းထက် ခွန်ပြည့်ကိုငေးမောခြင်းဖြစ်ပေလိမ့်မည်။ ရှမ်းရဲ့အမျိုးသားသူဌေးသားလေးခွန်ပြည့်ဟာ တကယ်ပင်ငေးမောပစ်ချင်စရာကောင်းနေခဲ့တာမို့..။
YOU ARE READING
မောင့်လေပြေ (Completed)
Romanceကျောင်းစိမ်းဘဝကနေ အရွယ်ရောက်လာတဲ့အထိ ပြဿနာတွေကြားထဲကနေ မြဲမြဲမြံမြံချစ်သွားကြတဲ့ကောင်လေးနှစ်ယောက်ကြားက နွေးထွေးတဲ့ရပ်ဝန်းငယ်လေးအကြောင်း... ပြီးတော့ ထားရာနေ၊ စေရာသွားပြီး သိပ်ချစ်တတ်တဲ့ ဒုတိယလူကောင်လေးရဲ့တဖက်သတ်အချစ်တွေအကြောင်းပေါ့ 🤍 #Unicode ေက်ာင္...
