"ငါ့ဘ၀တစ်ခုလုံး မင်းကြောင့်ပျက်စီးခဲ့ရတာ"
"ကျွန်တော်တောင်းပန်ပါတယ်"
မျက်ရည်တွေ တသွင်သွင်ကျဆင်းနေရင်းက လေပြေတောင်းပန်နေမိသည်။ တောင်းပန်စကားကိုအထပ်ထပ်ဆိုနေရခြင်းကြောင့်လား။ ပိုင့်ရဲ့ခပ်ကြမ်းကြမ်းစကားတွေကြောင့်လားမသိပေမယ့် လေပြေရင်မှာ မောဟိုက်လိုနေခဲ့ရသည်။
"မင်းပါ လိုက်ခဲ့မှရမယ်.. အဲ့မှာ အရမ်းမှောင်တယ် ပြီးတော့ကြောက်စရာကောင်းတယ်"
ပိုင့်မျက်လုံးတွေက အမုန်းငွေ့တွေပြည့်နေရာမှ ရုတ်ချည်းမငြိမ်မသက်ဖြစ်သွားပြန်သည်။ ပိုင်က လေပြေ့လက်ကောက်၀တ်ကို ခပ်ကြမ်းကြမ်းဆွဲကိုင်ရင်း အရူးလိုအော်ဟစ်နေခဲ့သည်။
"ဟင့်အင်း"
"အနည်းဆုံးတော့ မင်းလိုက်ခဲ့ရမယ်.. မင်းကလေ င့ါဘ၀ကိုမီးလောင်တိုက်သွင်းခဲ့တာ။ မင်းကြောင့်. မင်းကြောင့် မင်းကိုချစ်ခဲ့မိလို့ ငါ့ဘ၀တစ်စစီပျက်စီးခဲ့ရပြီ"
လေပြေ ခေါင်းကိုအကြိမ်ကြိမ်ခါရင်း ပိုင့်လက်တွေကြားမှ ရုန်းကန်နေမိသည်။ မောင်ကရော.. မောင်ဘယ်မှာလဲ။ မောင်သာရှိရင် အေးချမ်းသွားမှာ။ မောင်ကြားလား. သူ့ဘ၀ကိုဖျက်ဆီးခဲ့တာ ငါတဲ့..။
"လေပြေ.. ကြားလား"
"မောင်.."
"လေပြေ.. မောင် ဒီမှာရှိတယ်လေ။ လေပြေ.. ထပါကွာ ကျစ်. ဘာအိမ်မက်တွေမက်နေလို့ ဒီလိုဖြစ်နေရတာလဲ"
သူ့ပါးပေါ်ထိတွေ့လာတဲ့မောင့်လက်တွေကြောင့်နိုးလာရ၏။
"မောင်..ဟင့်"
"အင်း မောင်ဒီမှာ.. မကြောက်နဲ့တော့နော် ဘာမှမရှိဘူး. ခဏလေး မောင်ရေသွားခပ်ပေးမယ်"
"ဟင့်အင်း မောင်ငါ့ကိုဖက်ထားပေးပါ"
"လေပြေရယ်"
ခွန်ပြည့် ချွေးစို့နေတဲ့ခန္ဓာကိုယ်လေးကို ရင်ခွင်ထဲခပ်တင်းတင်းဆွဲပွေ့ထားလိုက်ရင်း သက်ပြင်းချမိသည်။
ဆံပင်တွေကို ဖွပေးရင်း လေဖြင့်မှုတ်ပေးနေမိသည်။ ဒါဟာ သူငယ်စဥ်က အိမ်မက်ဆိုးမက်တိုင်း သူ့အမေလုပ်ပေးကျေ အမူအရာတစ်ခု. ခေါင်းအေးစေရန်ဟူသော အမေ့အယူအဆတစ်ခုပင်။ သူ့ခါးစကအင်္ကျီကို တင်းတင်းဆုပ်ရင်း ငိုရှိုက်နေတဲ့ကောင်လေးအတွက် လောလောဆယ်လုပ်ပေးလို့ရတာ ဘာမဆိုလုပ်ပေးချင်မိရုံ။
YOU ARE READING
မောင့်လေပြေ (Completed)
Romanceကျောင်းစိမ်းဘဝကနေ အရွယ်ရောက်လာတဲ့အထိ ပြဿနာတွေကြားထဲကနေ မြဲမြဲမြံမြံချစ်သွားကြတဲ့ကောင်လေးနှစ်ယောက်ကြားက နွေးထွေးတဲ့ရပ်ဝန်းငယ်လေးအကြောင်း... ပြီးတော့ ထားရာနေ၊ စေရာသွားပြီး သိပ်ချစ်တတ်တဲ့ ဒုတိယလူကောင်လေးရဲ့တဖက်သတ်အချစ်တွေအကြောင်းပေါ့ 🤍 #Unicode ေက်ာင္...
