လွန်ခဲ့တဲ့ တစ်လခန့်က...
" ပန်းမှုံ ။ငါ ငါလေ ။ လူတစ်ယောက်ကိုချစ်မိနေပြီထင်တယ်။ "
သာလွန်ချမ်းသူငယ်ချင်းမလေးကို မဝံ့မရဲနဲ့ပြောလိုက်သည်။ ပြီးတော့ ပန်းမှုံဖက်က ဘယ်လိုတုန့်ပြန်မလဲဆိုတာကိုသိချင်တာကြောင့် မျက်တောင်မခတ်တမ်းစိုက်ကြည့်နေမိသည်။
" အလိုလေးတော်။ တော်ကဘယ်သူကိုကြိုက်နေတာလဲ။ ကျွန်မတော့အသည်းတွေ ဗြန်းဗြန်းကွဲရပြီပေါ့။ ရှင်ရက်စက်လွန်းလိုက်တာ။ "
ပန်းမှုံရဲ့မျက်နာပေးနဲ့အပြောကြောင့် သာလွန်ချမ်းအနည်းငယ်တော့ စိတ်အေးသွားရသည်။ ပန်းမှုံကတော့ သူနဲ့အနီးဆုံးသူငယ်ချင်းမို့ အခုလိုရင်ဖွင့်မိပေမယ့် သူချစ်နေတဲ့သူဟာ ဘယ်သူဘယ်ဝါရယ်လို့ မပြောရသေးပါ။
" အင်း ငါကြိုက်နေတဲ့သူကလေ။ ဘယ်သူဘယ်ဝါမှန်းမသိဘူး။ နာမည်လေးတစ်ခုပဲသိတာဟာ။"
" သူ့နာမည်က..."
" ညိုထင်။"
" ဟဲ့...သာလွန်းချမ်း။ အဲ့ဒီနာမည်ကို ငါတို့ရွာမှာတစ်ခါမှ မကြားဖူးဘူး။ ဘယ်ရွာကလဲ။ မတော်တရော်ကောင်မတွေနဲ့ ဖြစ်နေမယ်။ ငါစိတ်ပူတယ်။ ပြီးတော့ နင်ကြိုက်နေတဲ့မိန်းကလေးနာမည်ကလဲ ယောကျ်ားဆန်ဆန်နာမည်ကြီး..."
အင့်!!!!ယောကျ်ားနာမည်ကြီးတဲ့။ သာလွန်ချမ်းတံတွေးပင်နင်သွာရသည်။ ပန်းမှုံကိုမပြောမသိမို့သာ သူပြောရန်ဆုံးဖြတ်လိုက်သည်။
" ဒါက ဒီလိုရှိတယ်လေပန်းမှုံ။ သူ သူကလေ ယောကျ်ားလေး။ ငါ.... ငါနဲ့သိတာမကြာသေးဘူး။ "
" အလို....သာလွန်လေးက အချစ်နဲ့တောင်တွေ့နေပြီပေါ့။ "
နောက်ပါးဆီကအသံကြောင့် မြတ်သာနဲ့ခင်လေးသိမ့်တို့နှစ်ယောက်ပင်။
" ဘာမှမဖြစ်ပါဘူးဟယ်။ ငါတို့ကတစ်ရွာထဲနေ ငယ်သူငယ်ချင်းတွေမဟုတ်လား သာလွန်ရယ်။ နင်ကပန်းမှုံတစ်ယောက်ထဲကိုကျ ရင်ဖွင့်ပြီး ငါတို့နှစ်ယောက်ကိုကျ ချန်ထားခဲ့တာကတော့မဟုတ်သေးပါဘူး။ "
" ဟုတ်တယ်ခင်လေးသိမ့်။ ပြောပြလိုက်။"
ခင်လေးသိမ့်ကပြောတော့ မြတ်သာကပါ ဟုတ်မှန်တဲ့အကြောင်း ထောက်ခံလေပြန်သည်။
YOU ARE READING
ငါ့ယောကျ်ားက ဓားပြဗိုလ်ခေါင်းဆောင် (Complete)
Fantasyပေါ့ပေါ့ပါးပါးနဲ့ အချစ်ပုံစံလေးပါ။ ဓားပြဗိုလ်ဖြစ်တဲ့ မိုးညိုထင်နဲ့ သူကြီးသား သာလွန်ချမ်းတို့ရဲ့ ချစ်စရာပုံစံလေးပါ။ Start date.6.3.2022 End date.4.9.2022