ခြောက်သွေ့ပူလောင်သည့် အိမ်အပြန်လမ်းပင်။ လွင့်အတွက် အိမ်ဟာ ရန်ကုန်သာဖြစ်လာတော့၏။ မမတူး၊ ကြီးကြင်သန်းနှင့် မမိုးပြည့်တို့ ရှိသော မြို့ပြကို လွင် တစ်ဖန်ဦးတည်ခဲ့ပြီ။အပြန်လမ်းတစ်လျှောက် လွင့်နားထဲတွင်လည်း
* အချိန်မရှိတော့ဘူး၊ နေရာမရှိတော့ဘူး၊ ဒီနေရာတွင်အသက်ကိုပေးခဲ့တယ်၊၊ ကိုယ့်တွန်သံကြားလည်းလှည့်မကြည့်နဲ့တော့ * ဟူသောကဗျာအသံဟာ ဘယ်ရီခင်း၏ကောင်းကင်ယံမှာပျံ့လွင့်နေသည်။ (*...* မှာ မင်းထင်ကိုကိုကြီး၏ ကဗျာဖြစ်သည်။)
"အချစ်ဆိုတာ သူ့ကို ကိုယ်ဘယ်လောက်ခွင့်လွှတ်နိုင်လဲပေါ်မှာ မူတည်ပါတယ်" ဟူသော အမေ့စကားကို လွင် ပြန်ပြန်ကြားယောင်နေရသည်။
ဘယ်ရီခင်း၏ ညနေခင်းမှာ တွေ့ရှိခဲ့ရသည့်နတ်ဘုရားတစ်ပါးကို လွင်တို့ဟာ ဆက်သစရာမရှိကြဘူးမဟုတ်လား။ ထိုစဉ် ဘယ်ရီခင်းတစ်ခုလုံး နတ်ဘုရား၏ မွှေးရနံ့ ပျံ့သွားပြီး အမှောင်ထုဟာတဖြေးဖြေး အားကြီးလာ၏။
"ပြေးစရာမြေမရှိတော့လျှင် ဘယ်ကိုရှောင်ပုန်းကြမလဲ" ဟုမေးတော့ ကိုကြီးဟာသေလိုက်ကြရုံပေါ့ဟု ဖြေသည်။
ညက ကိုကြီးကို လွင်အိပ်မက်မက်သည်။ လွင်တို့တွေညနေခင်းတစ်ခုမှာ အတူရှိခဲ့ကြပြီး သူကအသားရောင်ဆွယ်တာကို ဝတ်ထားသည်။ အိပ်မက်တော့မဟုတ်ဘူး။ အိပ်မက်လည်း ဖြစ်နိုင်၏။
သူလိုက်လာတာလည်း ဖြစ်နိုင်သည်။
သူမလာတော့တာလည်း ဖြစ်နိုင်ပါ၏။ ။နေသစ်သွေး
၂၈ မတ်လ ၂၀၂၂
------------
YOU ARE READING
ဘယ်ရီခင်းထဲက မျက်ရည်တစ်စက်ညနေ
Romanceလွင်သိလား။ လိပ်ကလေးတစ်ကောင်က သူပေါက်ဖွားတဲ့ ကမ်းခြေရဲ့ သဲနံ့ကို လျက်ပြီး မှတ်ထားတတ်တယ်တဲ့။ ဘယ်ခရီး၊ ပင်လယ်တွေ ရောက်ရောက်ဘယ်လှိုင်း၊ ဘယ်လောက်ထန်ထန် တစ်ချိန်ချိန်မှာ အဲ့ကမ်းခြေကို ပြန်ရောက်လာတယ်။ လွင်ကရော ကိုကြီးဘဝရဲ့ လိပ်ကလေးလားဟင်။