Jawhara
*******
_انتي احجي وية أمج شوفيها شنو رأيها ولو اعرفه وسمعته من سنوات
_ عمو انحرج احجي وياها والله
_يا عمو لعد شلون لازم تحجين صدكيني هذا حل مناسب واني من زمان اريد هذا الشي بس أمج الله يهديها ماتقبل
_عمو فاجأتني اول مرة اعرف هالشي ماما ابد ما حجت شي
_هه اييه لأن رافضة متريدج تعرفين
_احاول احجي وياها
_اي واتمنى تقنعيها غادة اعتمد عليج
طلع عمو هشام من المكتب واني بقيت افكر بكلامه بعدما حجيتله الصار ويانة وشلون صاحب البيت يريد يطردنا منه
ماحجى بداية من سمع كلامي على صاحب البيت بقى صافن كل الي حجاه بعدين خلاني متفاجاة معقولة عمو هشام وماما لا لا ممعقولة اصلا اخاف احجي وياها بهيج موضوع بس هو لح علية كال لازم احجي وياها
يعني اقتراحه وطلبه راح يوفرلنا البيت وكولشي نحتاجه بس المقابل صعب على ماما
انوب فوك حيرتي احتاريت أكثر
فزيت من صاحتني نور محامية تشتغل بالمكتب صارلها سنتين
_يوو فززتيني شبيج !!
_شدعوة عيني صافنه اريد الملف مال جماعة المطعم
_اي اخذيه بالمجر بعدين اني مصافنه جنت افكر
_ههههه اي واضح
اخذت الملف وطلعت .. اووف ما ارتاحلها ابد
اخذت موبايلي واتصلت على ماما انطتني رفض رجعت اتصلت رأسا نترت بية
_غاادة ح اسده اني طالعة بالشارع
_وين ماما للسوك؟؟
_لا عندي شغلة هنا بمنطقتنا
سدته بوجهي واني أفكاري تودي واجيب
********
_هيمان وين انت ؟!
_هلا عمي خير ان شاء الله
_محتاج اشوفك ضروري إذا بالشركة حتى أمر عليك
_طالع خارج بغداد حاليا أن شاء الله ارجع بالليل واني حاضر عيوني الك
_خل عيونك برأسك واريدك تسمعني زين
_له له عمي هشام ليش العصبية
_هيمان من الاخير البيت الي تريد تطرد المؤجر منه اتركه هالفترة شنو قحط اراضي وانت مامحتاج ليش تخنك العالم
_عمي اعصابك يابيت اها فهمت قصدك الي راح اهدمها وابني على أرضها مول
_ لا تستعجل انتظر بعدين احجي من اشوفك
_تمام انت تؤمرني.
_فيمالله
_فيمالله
سديته واني مشغول بالي على سروة اكيد هسة مقهورة ومحتارة اااخ اااخ
عضيت اصبعي بحرقة واني ادخل بسيارتي للشارع الي بي بيت صاحب البيت الي باعه لهيمان
اعرفه من سنين والي وياه مواقف طبكت سيارتي قريب عالبيت ونزلت ونظاراتي على عيوني لأن أتحسس من الشمس
بعده سويج سيارتي بيدي وصارت كدامي طلعت من البيت بقيت واكف وعيني عليها مثلما هي بقت صافنه ودنكت رأسها دخيل الله شكد شايلة حياء انتبهت على نفسها رأسا ابتعدت بدون متسلم سوت نفسها تحجي وية ابو البيت وزوجته جانو طالعين وياها يودعوها
سلمت بصوت قوي واني اتقرب عليهم
الحجي من شافني رحب بية وأصر ادخل البيت
ماقبلت لأن اريد احجي وية ام غادة
_ مستعجل بس حبيت اسالك البيت الي ماجرته ام غادة بعته نهائي لو فقط مكاتبة مبدأية
_انباع نهائي وسجله بدائرة العقاري
_ليش بعته ولو تدخل مني انت حقك بس حبيت اسال
_والله يا استاذ العقار انطى بي خوش سعر واني محتاج فلوس وتدري اجار البيت مو ذاك المبلغ الزين قياسا بقية البيوت وانت جنت تدفع نص المبلغ و ...
_حجي صلي عالنبي شنو حجيت وياك لازم نسيت
سكت الحجي وعينه راحت على سروة الي سالت بصوت يادوب طلع وهي عينها علية
_ وليش انت تدفع شنو قصده الحجي اريد افهم !!؟؟
KAMU SEDANG MEMBACA
يُزهر عالمي بكَ
Romansaحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
