Jawhara
*********
كعدت قريب عليها وأخذت أيدها بحظن ايدي
_ اعرف سبب ضوجتج هسة ومستعد اوفرلج كل أسباب الراحه واحققلج الي تتمنينه بس لا تضوجين
ارفعي راسج لاتنزلينه جوهرة انتي متتصورين شكثر تعنيلي وتمسكي بيج اكبر دليل ،، ماريد اخسرج
_ وفر كلامك العسل لأن مراح تبهرني تعرف ليش لان انت اناني تحب نفسك ومصلحتك واهم شي تحقق الي تريده على حساب غيرك الي خل يرحون لجهنم عادي مادام انت ترتاح وتحقق هدفك واني اكبر دليل. زواج غصب واعتداء وهسة حامل بابنك اكيد مراح تتخلى عني وتنتظر أولد حتى تأخذه وتطردني
_ أن .. انتي انتي شتحجين لاتعصبيني
_اي الي سمعته لأن مستحيل اصدك انت تحبني
_ غلطانه ولازم تصدكيني لأن ما اكذب عليج ولوما احبج جان ما صدقت زواجي منج بالمحكمة
_ هه وتريد تقنعني لا لا مراح اقتنع انت سويت كل هذا حتى تخلص من الدعوى الي رفعتها ضدك والي راح افضحك بيها واكيد خفت على سمعتك ومنصبك لا يهتزون
_ كل الي كلتي صح بس هذا شي وحبي الج شي اني من اول ماشفتج عجبتيني وبقيت مراقب كل حركاتج وتحركاتج وصرت اعرف كولشي عنج وتتذكرين من دزيت الحماية يحجي وياج اباب الفندق وكتها جنتي صاعدة سيارة وماقبلتي تنزلين وحجيتي علية
،، صممت عليج أكثر من قبل وبقيت اخطط شلون اخليج قريبة مني
بقيت فاتحه حلكي واني اسمع كلامه وشهكت من أخذني لحظنه ولثم شفايفي تصرف وياية بحنية بقيت جامدة بحظنه وهو بعدني بس بقى قريب كولش
وهمس بصوت يادوب ينسمع .. احبج
بقيت على جمودي دنكت راسي مارفعته عافني وطلع
شوية ودخلت ماما سالتني .. شبي طلال شو احجي وياه مايرد وصعد لغرفته
جوجه دا احجي وياج !!!!!
انتبهت على ماما .. نعم ماما شنو كلتي ؟؟!
_ لا ابدا مو وياية شبيج حبيبتي سالتج طلال شبي
_شبي يعني !!؟
_ ما اعرف حجيت وياه مارد وصعد لغرفته
فكرت بكلامه وتصرفه وياية معقولة يحبني زين ليش مدا اصدكه !!!
******
بالبيت ورى ما نامو اهلي طلعت من غرفتي اريد اشوف هيثم أكيد بعده كاعد ويلعب بموبايله
فتحت الباب جان الضوة مفتوح وفعلا هيثم صاحي
_تعاي شبيج اليوم !!
كعدت عالكرسي بصف جربايته ..
_ من الاخير اشك هيمان عنده علاقه بغاده
_ وشلون عرفتي قصدي شنو خلاج تشكين !!؟
_ وصل لبيت عمو هشام بنفس الوقت يعني جانو سوى
_ مو شرط احتمال تلاكو بالباب عادي تصير
_ ما اعرف احتمال بس نظراته لغادة نظرة واحد مهتم راقبته عينه مشالها من غادة
_ زين شلون نتأكد هاي خطية يكفي الوالد جان نابذها هي وامها انوب هيمان يطلع بطريقها
_ اي والله خطية تدري اني مرت فترة حسيت راح اختنك من عافني هيمان بعدين كعدت وية نفسي وتصافيت وياها وعرفت انو الله يحبني وكشفه الية والحمدلله على كل حال ،، اعتبره درس وأخذت عبرة منه
وماريد غاده توكع وكعتي لأن هيمان حاقد علينا واكيد راح ياذيها
_ لاحول ولا قوة الا بالله لاتشغلين بالي عليها
خليج إيجابية يمعودة
_ راح اتاكد منها والله باجر اروح للمكتب اشوفها واكعد اسولف وياها
_براحتج سوي الي تريدينه
_ان شاء الله ،، يلة اروح لغرفتي دوختك
_ لا ليش هيج تحجين هو شعندي غيرج
أنت تقرأ
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
