Jawhara
********
مساؤؤ فل حبايبي 🌹🌹🌹
راح تتوقف القصة لحين انتهاء الامتحانات مشغولة وية ولدي فاعذروني حبايبي إذا كدرت أن شاء الله انزللكم خلال الأيام بارت تعويضي ♥️
تحياتي لمتابعيات 🥰🥰🥰
*******
أخذ ايدي بين أيديه ومسح اصبعي بهدوء ورفعه لشفايفه وباسه وعيونه علية
_ يوجعج !؟
مسحت دموعي ودنكت مارديت عليه ثواني وأخذني بحظنه وشفايفه طبعت براسي
اخذت نفس واني اشم عطره ،، اسمعه يهمسلي بصوت ناصي
_ مشتاكلج يولي وانتي تعامليني بكل برود
ها ماتردين مو ديلة ميخالف شو كومي تحضري اوديج لاهلج
ابتعدت عن حظنه واني مرتاحه لأن جنت مشتاقتله بس أكابر وربي اووف
_ماروح
_ لا تعاندين يلة يگليبي انتظرج بالسيارة اني وقيصر
طلع واني كمت بسرعه غيرت ثوبي ولبست وطلعت وراه
بالسيارة من صعدت بصفه التفت علية جان لابس نظارات سودا ابتسم تك خد .. شكد تبقين يمهم شغله ساعات مو
_ان شاء الله ما اتاخر
_خوش حتى نطلع نتعشى بمطعم اليوم عازمكم انتي وقيصور
_ أن شاء الله ...
سكتت ردت اكول نروح مطعم وتتصل الخاتون على ما تخربطت الحك عليها
ماردت اعكر مزاجي أكثر نادر ينكلب علية ومن يدك عناد وياي ما ينجرع واني مالي خلك حاليا
*******
اليوم قررت ازور جوجة مابيها مجال لازم اكعد وياها وافهمها الصار لأن اخر اتصال بيناتنا جانت ماخذة على خاطرها من عرفت القضية مو لصالحها
ماما ماقبلت اروح بس اني ما اكدر لازم اشوفها
بقت ماما تلملم الغراض الي راح تأخذهم لبيت عمو هشام لأن كال العرس بعد ٣تيام مجرد حفله بسيطه حسب طلب ماما ماقبلت على كلام عمو من كال نسوي عرس واتفقوا يطلعون لاربيل كم يوم
يعني راح ننتقل نعيش أبيته واثاث بيتنا عمو اتفق وية صاحب مزاد يجي ياخذهم يشتريهم
اني كولش فرحانه اثنينهم يستاهلون وماما تعبت بحياتها تستحق ترتاح وتعيش بسعاده ولو متحفظه بشكل وتستحي من هواي أمور حتى من يجي عمو هشام للبيت تكعد على جهة متتقرب منه وخطية هو عينه عليها ميشوف غيرها
دفعت اجرة التكسي ونزلت واني اعدل بسترتي جنت لابسة سترة قصيرة كابوي ثلجي وكيلوت لون طوخ نفس نوعية القماش
البيت اعرفه من آخر مرة اجينا احنا وخالة امل
ماشاء الله الله يعمره بيت واسع وحلو تصميمه مديت ايدي عالجرس انفتح الباب وطلع شاب لابس عسكري اني من شفته وكفت على جهة وسلمت وهو رد السلام بهدوء سألته على جوجه اشرلي اتفضل للبيت
دخل واني مشيت وراه الله يحفظه شلون هيبة يمكن من ولد عمامها هذا
بالاستقبال كعدنا اني وجوجه و خاله امل وفهمتهم الصار كله
_ عزا بعينها بس تستاهل خل يطردها
_اي والله خالة الحمدلله طردها
YOU ARE READING
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
