Jawhara
**********
_اخذي هاي العلاكه صعديها فوك
_ شنو هاي !؟
_ ابو ملاك جابهم قبل شوية وطلع للمضيف
_ يعني اجى مو على أساس يبقى كم يوم بالبصرة
_ مدري عنه دهاج ماما صعديهم لغرفتج وهاي لملوكه جايبها
اخذت العلاكه وصعدت ذبيتها عالجرباية بدون ما اعرف شبيها احتمال ميقبل اشوفها
باوعت لشكلي بالمراية وعلامه الرضا بعيوني
نزلت صاحتني نور كاشخة اكيد عدها طلعه جنطتها بيدها
******
_ _تعاي اوكلي لكمه على شنو معتكفه بغرفتج
التفتت على ماما دخلت وايدها على بطنها
وملامحها متضايقه
_ خير ماما مبين عليج تعبانه
_ اي والله شوية تعب وصعدت اشوف سالفتج شنو ليش هيج غادة ليش محجيتي تخليني مصدومة
_ ماما فدوة اروحلج ترى اعصابي باقي خيط وينكطع بيها
********
_هلة عمي شلونك اعذرني جنت مشغول ماسمعت الاتصال
_ شخبارك انت وشوكت ترجع
_ باقي مو وكت رجعه هنا متونس عالاخر
_ لا بلة ،، ارجع لاتتاخر
_ خير عمي محتاج شي
_ ولك زوجتك تعبانه ارجع صفي امورك وياها
_ هي رادت هالشكل خل تتحمل
_ هيمان لاتقسى عليها انت لحيت تتزوجها لاتعذبها
******
_ رويحتي رايدج تعاي
صاحني نادر اول مادخل البيت عفت البيدي جنت اكوي دشاديشه ودخلت وراه بالهول
كعد ونزع العكال والغترة ومسح على شعرة
_كول عيوني تامرني
ابتسم بوجهي .. ما يأمر عليج ظالم ،، باجر جايني خطار من الموصل هو وأهله اريدج بالبيت الجبير موجودة جماعتي واصدقائي من زمان
*******
_فديته شلون شخصية وهيبة
عكدت حاجبي واني اسمعها تتغزل بالشيخ
اسمع امها ردتها بضحكه
_ ولج نوران لاتزعل ام قيصر
_ شكو بيها هو شيخ واكيد كثير يمدحونه
بقيت ساكته بس عمتي ردت عليهن تلطف الجو ..
_ ابو قيصر والنعم منه رفعة راس
دعاء كاعدة بصفي اسمعها ادردم ماعجبها كلام البنت
بداخلي احساس انو هالبنت مو سهلة تذكرت اول ما دخلو بقت عيونها تراقب نادر ومن سلمت عليه مدت أيدها بجرأة رغم سلم عليها بدون ميصافحها
معقولة يربي مخيلة على الشيخ هي يادوب عمرها ١٨ سنة بس كلامها وجراتها غير شكل
تنهدت واني انتبه لعمتي من كالت غداجن حاضر
********
_ وين جنتي !!
_يماما فززتيني
باوعتلها حدودها حمرا والضحكه مرسومة بوجهها
عضيت شفتي بقوة وهي عافتني ودخلت جوة
طلعت وكفت بالطرمه وشالي على راسي ذابته
انتبهت خيال شخص بالحديقة يعني أحد جان موجود وية نوران ؟!!
رجعت دخلت للمطبخ انتظر نادر خاطر نروح للبيت
********
حبايبي 🌹 مقطع للتشويق عن الأحداث الجاية اطربونا بتعليقاتكم الحلوة وتنبئاتكم عن القادم
عجبني انزللكم هالمقطع لأن الأحداث بيها تشويق
انطلقووا😉😍
YOU ARE READING
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
