Jawhara
*******
_ اكعد ترى راسي افتر لاتبقى رايح راد كبالي
_جدي شلون اتاكد الا ادز ام قيصر عليها
_ اختك ماتقصر اتصل عليها خل ابو قيصر يوصلها لبيت حجي رافع
ايييي جتك عدلة حجي رافع هسة يكوم يتشرط ويختار
_ابني عدهم هو اني بوحدها وما اقبل أتنازل عنها انوب حامل بابني ورب العزة ما اعوفها وشيصير خلة يصير
_شفاء تروح تحجي وية عمتها بس اول خلها تمر هنا عندي حجي وياها
العصر اجت شفاء وصلها شيخ نادر الي جان حاضر وعرف السالفة كلها
_ جدي اني حاضر وسند وياكم وان شاء الله تاليها خير
_ كفو شيخ والله انت كدها
_ لعد ابو قيصر يوصلني هسة لو غير مرة اروح
_ بعد وكت روحي هالساعه واحجي وية عمتج
********
_هلو عمو ،، اجيت اشوف غادة !
_ اهاا !! اي تعاي لمكتبي اول خل اضيفج هاي اول مرة تزورينا
بقيت شوية وراها طلع عمو دقائق ورجع دخل وياه شابة مرتبة وجمالها رغم بساطتها بس حلوة وأنيقة
رأسا عمو هشام عرفنا على بعض هي صار عدها ردة فعل من عرفتني عكدت حاجبها
ولامت عمو
_ مجنت متوقعتها منك عمو وانت تعرفني ماطيقهم
_غادة بابا اكعدي وتعرفن وحدة الثانية انتن خوات وسناء جاية ونيتها صافية
_ ماطيق أحد من بيت العايد ليش تحرجني عمو
_ غادة انتي اختي وحبيت اتعرف عليج والله
_ ماعندي اخت اني وحدانية مو جاية هسة تدورين اخت وين جنتي قبل سنوات من جنت محتاجه أهل ومحتاجه إخوة
_ ميخالف اعذرج لأن عرفت شكد مجروحه بس والله ماجنت اعرف اي شي الا عمو هشام حجالنا اني و هيثم الي راد يجي بس ظرفه الصحي ميسمح
_ ابوج دمر حياتنا دمر ماما انتو عايشين متنعمين واحنا عشنا المرار والحمدلله كدرنا نتخطى هالشي
مسحت دموعها وطلعت من المكتب واني جدا انقهرت ماحجيت شي طلعت واسمع عمو هشام يحجي بس ماعرفت شنو كال
*********
_عوفيها مقهورة لأن جانت محرومه ااخ شادعي عليك سامي استغفر الله يارب
_گلبي نغزني عليها ما اكدر اعوفها شفتها شلون عيونها حمرا من البجي
_حقها غادة جانت محرومه من العائلة وهسة من شافت اختها انصدمت بيها
تدرين تعجبت سناء ماردت ابد رغم غادة رزلتها وهذا دليل على أن. فعلا تريد اختها
_فدوة هشام لاتلح على غادة لأن تتأثر بالذات إذا شي يخص سامي وعائلته
_ لا ما ادخل خلها براحتها
_ اي احسن
_ تعاي
_همم
_ تعاي بحظني مشتاقلج
_ هشام ترى بصفك كاعدة
_ ما اشبع منج والله
أنت تقرأ
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
