Jawhara
*********
يربي الشارع مليان ناس وابني ماكو وين راح اسال منو يندل طريقه بهالاثناء أحاجي بروحي وعيني عالشارع طبكت سيارة نادر اشرلي اصعد
بسرعه صعدت واني شوية واتخبل راح تظلم الدنيا وقيصر ما رجع سودة بوجهي
حرك السيارة وطلع ،، ساكت ميحجي
نترت بعصبية .. ابني وينه والله العظيم إذا صار بي شي انت وأهلك مسؤلين
التفت خزرني ورجع يسوق وراسه يفتر يراقب بالشارع
اني همات مركزة واي ولد صغير گلبي يفز من اشوفه عبالي ابني
_ گلبي نغزني من طلع وياك شلون تعوفه يجي وحده اصلا ميندل بالمنطقه
_ شفاااء كافي ترى عقل ماظل برأسي
_اني حتخبل إذا ليلت وابني ماكو شسوي شسوووي
كمت ابجي واني فقدت الامل افترينا المنطقه والافرع وماكو قيصر
دك موبايل نادر رأسا رد
_هااا نذير
سده وهو يحمدالله وافتر بالسيارة ..
الحمدلله يكول لكيته كاعد يم ابو الأسواق الي بالشارع الرئيسي
_يممه الف الحمدلله زين شلون راح هاي وينها مو بعيده
_ اي شوية بعيدة عن البيت
اول ما وكفت السيارة نزلت بسرعه لبيت عيالي واني الم جسمي بالعباية دخلت عليهم جانو بالطرمة مجتمعين عيني على ابني جان واكف يم بيبيته من شافني ركض علية
حظنته بلهفة وعاتبته .. ليش هيج خليتني بقلق انت شطلعك من البيت وحدك ها احجي ماما شلون تروح وانت متعرف بالمنطقه
هزيته من جتفه بعصبية
اسمع عمتي تكلي .. على كيفج وية الوليد لاتصدفينه والدنيا غروب
_عمة هو مايندل ومايطلع وحده شلون هيج يسوي راح أحد اذاه لو خطفه اني شسوي
_اي يمه اسم الله عليه وعلى عمره حقج والله
_احجي قيصر ليش رحت وحدك ؟؟!!
_عمة كالت وهي انطتني فلوس
رفعت راسي عليهم اريد اعرف منو نطاه فلوس وكاله روح محد رد علية كلهن يكولن مو احنا
سحبه نادر من حظني ومسح رأسه .. بابا منو كالك روح اشتري
_ عمة الي فوك كالت اكو العاب حلوة روح ولاتكول
نادر رفع تك حاجب ومبين فهم لأن نسوانهم موجودات كلهن بس زوجته سحر فوك
صاح وهو يدخل جوة البيت .. صيحنلي سحر خل تنزل هسة
دخلنا وراه جان واكف بالصالة وأيده بيد قيصر
راحت دعاء زوجة عمار صاحتها ونزلن اثنينهن سوا
اول مرة اشوفها ملامح وجهها شاحبه وجسمها ناعم وطولها وسط بدون متسلم
_خير ليش تصيحني اخذت علاج ومابية اكوم تعبانه
اباوع عليها كرصت عينها علية اكيد عرفتني جنت واكفه بصف نادر وأيدي على جتف ابني
حسيت صوتها مو مال وحدة تعبانه نبرته قوية اول ماحجت
سألها نادر
_ انتي انطيتي فلوس لقيصر وكلتيله اشتري وروح للالعاب
_ شوكت وليش انطي
_قيصر بابا منو نطاك فلوس
اشر عليها قيصر .. انتي وكلتي لاتكول
_ باع الولد شلون عنده جذب
نترت بعصبية .. ابني مو جذاب شوفي منو الي يحجي وينكر ويتبلى على ابني
_ها شيخ هية هاي مرتك ام ابنك ماكو احترام متكول الشيخ موجود شلون افتح حلكي
YOU ARE READING
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
