Jawhara
******
_شنو الي مافهمتي بالضبط ؟
رجعت خطوة ورى واني اشوفه يتقدم ونظرة عينه غطت جسمي كله
رجع كرر كلامه وأيده تحاول تلمس شعري دفعت أيده بعصبية
_ والله اني غلطانه واجيت اسمحلي خل اطلع
بقى واكف واني تعديته وصلت للباب افتحه وبداخلي ابدا ممطمئنة لهذا الهدوء
گلبي دك سريع واني احاول افتح الباب الي جان مقفول عطت وكل الخوف تجمع بصوتي
_ااافتتتح الباااب
جمدت من خلة أيده على جتفي وسحبني حسيت جسمي كله قشعر فرني عليه وأيده ضغطت جتفي وزمخ بية . ... اششش ما اسمعلج صوت
خزرته بعين غضب .. والله هسة الم العالم عليك خليني اطلع احسنلك
_ججج هدي شوي وتعاي اكعدي خل نسولف
_مابينا اي سوالف وبعد ايدك بعدهااا
تليت جتفي وابتعدت عنه واني أعصر جنطتي بين أيدية تذكرت موبايلي بيها طلعته بسرعه وبيد ترجف دكيت على اكرم ماعندي غيره واكيد راح يساعدني
سحب موبايلي و خلاه بجيب سترته
_ لا تخليني استخدم وياج تصرف مراح تحبينه اهدي وتعاي اكعدي خل اسولف وياج
_ما اسوووولف ويااااك يلة افتح الباب
نترت بي بعصبية وهو رفع تك حاجب ماعجبه الي صار تقرب علية بخطوات هادئة اني كمزت بغير مكان خايفه ومرعوبة وكل الخيالات اجت على بالي
طبك أيديه على صدره وبقى يباوعلي نظراته حادة وتتمشى على طول جسمي حسيت جسمي كزبر وتلفتت بالبيت اريد مكان اهرب منه
ما طول بوكفته عافني وراح كعد على كرسي وحط رجل عالثانية واشرلي بيده
_ ماكو فايدة مراح تكدرين تنهزمين إذا جنتي مفكرة بهالشي البيت مأمن وابوابه مقفولة
هنا اني تأكدت اني بخطر دموعي نزلت وصوتي اختنك واني اتوسله يفتح الباب ويخليني اطلع بس مافاد ولا كانه حجيت وياه
كرهته وكرهت غروره وتحكمه بية رفعت راسي فوك وتنفست بقوة واني بداخلي ادعي رب العالمين يساعدني ويوكف وياي
التفتت لجهة الغرف وكعت عيني على باب مفتوح ركضت بسرعه رغم لابسة كعب وطول فستاني يضايقني دخلت وسديت الباب قفلته الحمدلله بي قفل حسيت شوية راحه وامنت حتى افكر شنو اسوي
تقربت من الشباك الجبير زحت البرده واني اتخيل راح اطلع وانهزم من الشباك بس صابني احباط واني اشوف حديد الشباك الي ماكو مجال نهائي لاي هرب من خلاله سديته بقوة واني فاقدة الامل كولش بقيت افتر بالغرفه واتفحصها الظاهر مكتب من الاثاث البيها
فتحت المجر لكيت مسدس سحبته طلعته من مجر المكتب واني فكرة شيطانية تلعب براسي
اندكت الباب بقوة وصوته يحجي بعصبية
_افتحي الباب لاتخليني اكسره واسويها ترى
فتحته وأيدي ضاغطه المسدس موجهتة عليه جان بيناتنا مسافه متر تقريبا
_خليني اطلع من البيت لا والله ارميك طلقه
KAMU SEDANG MEMBACA
يُزهر عالمي بكَ
Romansaحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
