Jawhara
*********
عيد فطر مبارك 🌹 وكل عام وانتم بالف خير 🌹🌹🌹♥️♥️
عيديتكم نزلت هذا البارت حبايبي 🌹 تستاهلونها 🥰 ولو قصير اعذروني مشغولة والله
********
طلعت اتمشى بالحديقة بعدما راحوا الضيوف وخواتي ورجالهن ،، الوجع قوي بس متحمله أن شاء الله ايام ويخف عيني عالجهال طلعوا يتراكضون من شافوني بالحديقة
سحبت كرسي وكعدت واني اتنفس بقوة اليوم وصلتني اوراق وعقد الزواج الاصلي كلفت واحد من جماعتي يرتب الوضع وصدمني الي عرفته جوهرة بنت عمتي امل !! وحفيده حجي رافع !! يا الله الدنيا شلون صغيرة اتذكر من توسلت بية كالت بنت عمتك بس ما اهتميت جنت مصمم اخذها وتوقعتها تجذب حتى جدي من اتصل وكتها ماجنت مقتنع لأن ممعقولة هيج صدفة
عضيت شفتي بقوة واني اربط الصار يعني ولد بيت حجي رافع هجموا علية وأخذوا جوهرة لازم اتاكد وهذا اكرم خل اشوف شعنده من معلومات واخلي سبيله
_ها ابو ملاك كاعد صافن خوما يوجعك جرحك
رفعت راسي لجدي الي كعد كبالي ..
_ كلت اكعد اتنفس هوا هنا واراقب الجهال
_ بگلبك سالفة مبين من صفنتك
_ جدي انت كلما أسألك على عمتي ماتقبل وتسد الموضوع
_عمتك طلعت من شوري ماسمعت كلمتي وراحت تزوجت فهد ابن حجي رافع وماعاد انذكرت بهالبيت شتريد هسة تريد تنفتح الجروح الي بعدها مخزنه هاي هية كعدت أبيت رافع هية وبنتها وصارت بحمايته يريد يقهرني لأن ما قبلت على زواج ابنه من بنتي
_ يعني عمتي ماسوت شينة زواجها جان على سنة الله ورسوله
_اني ماكلت غير شي بس زواجها بدون موافقتي انهزمت وتزوجته وانت بسوايتك فتحت الجروح اريد افهم وين شفتها وليش تزوجتها وانت تعرفها مطربة
احجي ليش ساكت لأكون وكعت بحبها هسة عرفت منهي الجانت شاغله عقلك وماتحجي
_ واني شدراني بنت عمتي اسم ابوها يختلف بالهوية
_ اييي حتى لاتنعرف
_ جدي كل هذا ميهمني الي قاهرني فاتو واخذوها من بيتي وصوبوني ورب العزة ما اسكت عالصار
_شنهو تريد تهجم عليهم لا لاتصير متهور
بعدين البنت ماتريدك عليش ذابح نفسك عليها
عصبت من كال جدي هالحجاية ..
_غصبا عليها صارت زوجتي شرعا وقانونا ومن نصهم اروح اجيبها
_اسكت يول راح اجيب البلاوي منهو يقبل تأخذها عمامها لو ولدهم
_ جدي لا تستفزني ليش هيج تحاجيني ترى كوة مسيطر على اعصابي
_ياجدي البنت متريدك جان ما راحت وعافتك انت اخذتها غصب امها حجتلي شتريد منها شلون تقبل تأخذها وهي ماتريدك
_ البنت ماعوفها وابن رجال يجي ويكلي طلكها خل ارتاح هالاسبوعين واني اعرف شلون اتصرف
_ انت تريدها حرب شنهو سالفتك ترى ماراح يسكتون
_زين ياجدي انت متريد اتصرف بهاي الطريقة اكو طريقة ثانية تحجي وية حجي رافع هو صديقك من زمان كلها تكول وكله خل ترجع
YOU ARE READING
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
